Грамадскае аб’яднанне «Беларускi саюз мастакоў»

Галоўная Абласныя арганiзацыi Унітарныя прадпрыемствы Статут
Прэзідыум ГА «БСМ» Палажэнне аб уступленні ў ГА «БСМ» План выстаў Кантакты

Шаноўнае спадарства.
Кіраўніцтва ГА “БСМ” інфармуе ўсіх добрых людзей, што сайт нашай ціхамірнай арганізацыі моцна пацярпеў ад злачыннага нападу пакуль што невядомых нам зламыснікаў і зараз часова не працуе, перабываючы ў коме.
Слёзы роспачы і галашэнні апанавалі мастацкую супольнасць нашага шматпакутнага Краю.
Спадзяемся, што неўзабаве мы здолеем адужаць нанесеную шкоду, а разам з тым, і вывесці на свет Божы патаемных шкоднікаў і тых “дабрадзеяў”, якім дужа карцела зрабіць нам хоць якое паскудства.
Хай пакуль што цешацца сваёй гнюснасцю ды спакваля вывучаюць Крымінальны кодэкс Рэспублікі Беларусь, які неўзабаве будзе да іх прыменены.
З павагаю,
Старшыня ГА “Беларускі саюз мастакоў” Р.Сітніца

Саюз сёння i ўчора

Грамадскае аб’яднанне «Беларускi саюз мастакоў» (БСМ) вядзе сваю гiсторыю з далекага 1938 года.

6—9 снежня 1938 года адбыўся І зьезд мастакоў Беларусі, на якім быў створаны "Саюз савецкiх мастакоў БССР".
Надалей творчае аб'яднанне неаднойчы меняла сваю назву i у вынiку правапераемнiкам Саюза мастакоў Беларусi стаў Беларускi саюз мастакоў.

Згодна са Статутам, ГА «БСМ» займаецца развiццём беларускага выяўленчага мастацтва, стварэннем i захаваннем нацыянальных мастацкiх каштоўнасцей.

Незалежнае творчае добраахвотнае грамадскае аб'яднанне БСМ мае у сваiм складзе 5 абласных і Бабруйскую гарадскую арганізацыі.
Наогул колькасць сябраў Беларускага Саюза Мастакоў налiчвае звыш тысячы чалавек.

З 28 снежня 2013 года пасаду старшыні БСМ займае Рыгор Сітніца.