НАЦЫЯНАЛЬНЫ МАСТАЦКІ МУЗЕЙ РЭСПУБЛІКІ БЕЛАРУСЬ: ВІТАЛЬ ЦВІРКА. ДА 110-ГОДДЗЯ З ДНЯ НАРАДЖЭННЯ. 16.03.-04.06.2023

 

16 сакавіка 2023 года ў выставачным корпусе Нацыянальнага мастацкага музея Рэспублікі Беларусь (вул. К. Маркса, 24) пачынае працу выставачны праект “Віталь Канстанцінавіч Цвірка. Да 110-годдзя з дня нараджэння”. У экспазіцыі будуць прадстаўлены творы жывапісу і графікі са збору Нацыянальнага мастацкага музея Рэспублікі Беларусь, Беларускага саюза мастакоў, а таксама з прыватных калекцый.

Віталь Канстанцінавіч Цвірка нарадзіўся 14 лютага (1 лютага па старым стылі) 1913 года ў вёсцы Радзеева Буда-Кашалёўскага раёна (Гомельская вобласць). Прафесійную адукацыю Віталь Канстанцінавіч Цвірка (1913–1993) атрымаў у Віцебскім мастацкім тэхнікуме, потым у Маскоўскім дзяржаўным мастацкім інстытуце. Вучыўся ў такіх мэтраў, як Сяргей Герасімаў, Георгій Ражскі, Пётр Пакаржэўскі. У 1946 годзе Віталь Цвірка ўступіў у Саюз мастакоў БССР. З 1947 года пачынаецца яго выкладчыцкая дзейнасць у Мінскім мастацкім вучылішчы, потым у Беларускім дзяржаўным тэатральна-мастацкім інстытуце (зараз – Беларуская дзяржаўная акадэмія мастацтваў), рэктарам якога Віталь Канстанцінавіч з’яўляўся ў 1958–1960 гадах. Многія з яго вучняў сталі вядомымі жывапісцамі, якія нясуць сваё непаўторнае слова ў мастацтве, кожны са сваім індывідуальным, вядомым почыркам: гэта Леанід Шчамялёў, Дзмітрый Алейнік, Барыс Аракчэеў, Мікалай Казакевіч, Георгій Паплаўскі, Іван Рэй і інш.

Віталь Цвірка звяртаўся да шматлікіх жанраў: інтэр’ер, партрэт, сюжэтна-тэматычная карціна, нацюрморт, але безумоўным фаварытам у яго творчасці стаў пейзаж, дзе мастак раскрыў сябе па-сапраўднаму ярка, магутна і ўсебакова. Панарамнасць кампазіцыі, свабодная жывапісная манера пісьма, шырокі, тэмпераментны мазок, насычанасць колеравай палітры, кантрастнасць – асноўныя рысы, уласцівыя яго работам у жанры пейзажа. Мастак перадае някідкую прыгажосць беларускай прыроды, напаўняючы простыя матывы то лірыка-паэтычным гучаннем, то надзяляючы багатырскай моцай быліннага эпасу, а нярэдка і злучаючы іх – камернасць і эпічнасць – у адзіным палатне-гімне роднай зямлі.

Мастак вёў вельмі актыўную выставачную дзейнасць у Беларусі і за яе межамі. Быў удастоены ганаровых званняў “Народны мастак БССР” (1963), “Лаўрэат Дзяржаўнай прэміі БССР” (1967), узнагароджаны ордэнам Дружбы народаў і медалём Францыска Скарыны.

Творы Віталя Канстанцінавіча Цвіркі захоўваюцца ў Нацыянальным мастацкім музеі Рэспублікі Беларусь, Нацыянальным цэнтры сучасных мастацтваў Рэспублікі Беларусь, Беларускім дзяржаўным музеі гісторыі Вялікай Айчыннай вайны, краязнаўчых музеях Беларусі, фондах Беларускага саюза мастакоў, Дзяржаўнай Траццякоўскай галерэі, прыватных калекцыях.

Помнік “Жывая памяць удзячных пакаленняў” адкрылі на тэрыторыі Брэсцкай крэпасці

Гэта ўжо другі помнік у рамках праекту дабрачыннага фонду Аляксея Талая. Аўтар скульптурнай кампазіцыі народны мастак Беларусі Уладзімір Слабодчыкаў. У стварэнні манумента прынялі ўдзел сотні тысяч сем’яў з Беларусі і замежжа, якія апусцілі свае манеты ва ўстаноўленыя па ўсёй краіне спецыяльныя колбы. Помнік складаецца з дзвюх частак. Скамянелы ліст-трохвугольнік – даніна мінуламу, бронзавае дрэва – увасабленне

БОЛЬШ ПАДРАБЯЗНА »

ПАМЯЦІ ВОГНЕНЫХ ВЁСАК – ПЕРШАЯ ВЫСТАВА З ПРАЕКТА “КОЛЕРЫ ВЯЛІКАЙ ПЕРАМОГІ”

Першая выстава праекта “Колеры Вялікай Перамогі” прадставіць графічныя работы на тэму вайны народных мастакоў Беларусі Г.Паплаўскага, В.Шаранговіча, А.Кашкурэвіча, работы такіх вядомых аўтараў як П.Любамудраў, М.Селешчук, М.Гуціеў, А.Дземарын, Р.Віткоўскі, Л.Ран. У іх – боль, гнеў, захапленне мужнасцю людзей, радасць пераможных дзён, выказаная мовай літаграфій, лінагравюр, афортаў… Усіх аўтараў так ці інакш закранула вайна: праз іх уласныя

БОЛЬШ ПАДРАБЯЗНА »

ЗАПРАШАЕМ НА АДКРЫЦЦЁ: СКУЛЬПТУРА – ГОРАДУ

СЯБРЫ! СКУЛЬПТУРА – ГОРАДУ! ЗАПРАШАЕМ на адкрыццё новага выставачнага праекта секцыі скульптуры Беларускага саюза мастакоў 23 лютага 2023 года ў 17.00 у Палац Мастацтва. Які ён – скульптурны горад сення і, магчыма, заўтра? На выставе «Скульптура – гораду» будуць прадстаўлены скульптурныя творы, якія з’явіліся на вуліцах і плошчах сталіцы ў апошнія дзесяцігоддзі. Гэта помнікі, мемарыялы,

БОЛЬШ ПАДРАБЯЗНА »

ГАЛЕРЭЯ “БЕЛАРТ”: ВЫСТАВА ІЛЛІ ГІЧАНА. 07.021-29.02.2024

Галерэя “Беларт” Беларускага саюза мастакоў прадстаўляе: выставу “ПОШУКІ ФАКТУРЫ» жывапісу і скульптуры ІЛЛІ ГІЧАНАз 7 лютага па 29 лютага 2024 года. Экспазіцыя прапануе разважанні сучаснага мастака аб межах і магчымасцях традыцыйных жанраў пейзажа, нацюрморта і анімалістыкі. Маляўнічая напруга — асноўнае пасланне жывапісу Іллі Гічана, экспрэсіўна якая распавядае аб штодзённых рэчах: прыгажосці лесу, адмысловым настальгічным зачараванні

БОЛЬШ ПАДРАБЯЗНА »