16 студзеня 2024 года адзначае 70-годдзе НІНА УЛАДЗІМІРАЎНА КУХАРЭНКА – сябра секцыі манументальна-дэкаратыўнага мастацтва Беларускага саюза мастакоў, мастак-кераміст, майстар роспісу па фарфоры, удава народнага мастака Беларусі А.М. Кішчанкі, захавальніца яго спадчыны.
Беларускі саюз мастакоў шчыра віншуе Ніну Уладзіміраўну з яе юбілеем і зычыць здароўя, плёну і творчага натхнення!
Ніна Кухарэнка нарадзілася ў 1954 г. у Паставах Віцебскай вобласці. У 1974 г. скончыла Абрамцаўскае мастацка-рамеснае вучылішча, у 1980 г. ⸺ Беларускі дзяржаўны тэатральна-мастацкі інстытут (цяпер Беларуская дзяржаўная акадэмія мастацтваў).
Сябра Беларускага саюза мастакоў з 1988 года.
Яе манументальныя керамічныя пано ўпрыгожваюць інтэр’еры гасцініц”Агат”, “Кастрычніцкая”, “Беларусь”.
На фотаздымках – пано “Разліў. Красаванне” (1987 год) у гасцініцы “Беларусь”.
