ЮБЛЕІЙНАЯ ВЫСТАВА АЛЯКСАНДРА ГРЭСЯ “ЧЫМ НЕ ЦУД БЕЛАРУСКАЕ ПАЛЕССЕ?”

У Арт-партале Рэспубліканскай мастацкай галерэі “Палац мастацтва” (вул. Казлова, 3) з 28 красавіка па 15 мая 2021 года працуе персанальная выстава сябры Беларускага саюза мастакоў, секцыі дэкратыўнага мастацтва Аляксандра Яфімавіча Грэся, прымеркаваная да 70-годдзя аўтара.

На выставе прадстаўлены дэкаратыўна-прыкладныя вырабы з саломкі (скрынкі, хлебніцы, цукерачніцы, вазы, падносы, стравы, галаўныя ўборы) і лазы (кошыкі), выкананыя ў традыцыйным нацыянальным беларускім стылі. Таксама экспануюцца творы станковага жывапісу (пейзажы Палесся і нацюрморты).

АЛЯКСАНДР ГРЭСЬ

Нарадзіўся 22 мая 1951 у г. п. Брагін Гомельскай вобласці.
Скончыў у Мінску ГПТУ №31 (з чырвоным дыпломам), энергетычны тэхнікум і Політэхнічны інстытут (ў 1985 г.).
З 1979 г. актыўны ўдзельнік мастацкіх выстаў (больш за 30 выстаў у РБ і за яе межамі).

Сябра Беларускага саюза мастакоў з 1989 года.
Асноўныя творы: дэкаратыўныя шкатулкі “Залатая восень”, “Чарадзейка”, “Сонейка”, “Завіток”; падносы “Вясельны”, “Падарункавы”, “Вясновы”; цукерачніцы “Змейка”, “Ластаўка”, сухарніцы “Для кавы”, “Беларускі сувенір”, “Да гарбаты”.

Прымаў удзел у афармленні экспазіцыі літаратурнага музея Максіма Багдановіча (Мінск, Беларусь), выставы UNESCO да 500-годдзя Францыска Скарыны (Парыж, Францыя). З’яўляецца аўтарам упрыгожванняў і аксесуараў для фальклорных калектываў “Харошкі”, “Бяседа”, “Свята”, “Купалінка”, “Агмень”, “Крэсіва”, “Белая Русь”, “Мінскі гармонік “і інш.

Творы знаходзяцца ў Нацыянальным мастацкім музеі, Нацыянальным цэнтры сучасных мастацтваў, фондах Беларускага саюза мастакоў, Расійскім этнаграфічным музеі (г. Санкт-Пецярбург), Усерасійскім музеі дэкаратыўна-прыкладнога і народнага мастацтва (г. Масква), цэнтры UNESCO (г. Парыж, Францыя), музеях Вялікабрытаніі, Германіі, Нарвегіі, Польшчы.
Жыве і працуе ў г. Мінску.














Выставачны праект “GamEmоtion” адкрыўся 1 жніўня  2024 года ў Палацы мастацтва

Выставачны праект “GamEmоtion” адкрыўся 1 жніўня  2024 года ў Палацы мастацтва. Як выглядае гульня вачыма мастака, які працуе з традыцыйнымі матэрыяламі і дапоўненай рэальнасцю? Выставачны праект “GamEmоtion” прадстаўляе шырокай аўдыторыі творчасць 75 сучасных беларускіх мастакоў у напрамках інтэрактыўнага, класічнага і лічбавага мастацтва, звязанага з тэмай гульні – ад поўнага пранікнавення ў лічбавую рэальнасць да адыходу

БОЛЬШ ПАДРАБЯЗНА »

ДА 85-ГОДДЗЯ БЕЛАРУСКАГА САЮЗА МАСТАКОЎ

За выдатныя творчыя дасягненні і значны асабісты ўклад у развіццё беларускага выяўленчага мастацтва знакам Міністэрства культуры Рэспублікі Беларусь узнагароджаны Міско Іван Якімавіч, народны мастак Беларусі, сябра секцыі скульптуры Беларускага саюз мастакоў

БОЛЬШ ПАДРАБЯЗНА »

НАЦЫЯНАЛЬНЫ МАСТАЦКІ МУЗЕЙ РЭСПУБЛІКІ БЕЛАРУСЬ: МІКАЛАЙ КАЗАКЕВІЧ. ВЫСТАВА АДНОЙ КАРЦІНЫ

Летні настрой у Нацыянальным мастацкім музеі зараз стварае выстава адной карціны – “Над роднымі прасторамі” заслужанага дзеяча мастацтваў Беларусі Мікалая Канстанцінавіча Казакевіча. Праца напоўнена святлом, любоўю да людзей і прыроды – гэта сапраўдны гімн яркаму і бесклапотнаму дзяцінству. Як прызнаваўся сам мастак, крыніцамі яго натхнення з’яўляюцца мір і колер: “Сакрэт просты – люблю неба, фарбы,

БОЛЬШ ПАДРАБЯЗНА »

ГАЛЕРЭЯ “БЕЛАРТ”: ВЫСТАВА ІЛЛІ ГІЧАНА. 07.021-29.02.2024

Галерэя “Беларт” Беларускага саюза мастакоў прадстаўляе: выставу “ПОШУКІ ФАКТУРЫ» жывапісу і скульптуры ІЛЛІ ГІЧАНАз 7 лютага па 29 лютага 2024 года. Экспазіцыя прапануе разважанні сучаснага мастака аб межах і магчымасцях традыцыйных жанраў пейзажа, нацюрморта і анімалістыкі. Маляўнічая напруга — асноўнае пасланне жывапісу Іллі Гічана, экспрэсіўна якая распавядае аб штодзённых рэчах: прыгажосці лесу, адмысловым настальгічным зачараванні

БОЛЬШ ПАДРАБЯЗНА »