У “Арт-партале” Рэспубліканскай мастацкай галерэі “Палац мастацва” 16 чэрвеня 2021 года адкрылася выстава “Мы – разам. Памяці Сяргея Малішэўскага (1956-2020)” творчага аб’яднання “Арцель”.
РЫГОР НЕСЦЕРАЎ, кіраўнік творчага аб’яднання “Арцель”, куратар выставы”:
Калі хто-небудзь ці што-небудзь з’явілася ў нашым жыцці, то гэта назаўсёды застаецца з намі не толькі ў нашай памяці, але і ў гісторыі, у самога жыцця…
Сяргей Малішэўскі нарадзіўся ў 1956 годзе ў сям’і вядомага мастака і педагога Альгерда Малішэўскага, творчасць якога была знакавай з’явай для нацыянальнага выяўленчага мастацтва ХХ стагоддзя, акумулявала лепшыя набыткі беларускага мастацтва 1960-1970-х гадоў і еўрапейскія мастацкімя тэндэнцыі.
Падобна на тое, што год нараджэння пакідае найглыбейшы след у душы чалавека на ўсё яго жыццё…
…
У гэтым (1956) годзе, у шэрых закасцянелых буднях міжнароднай супольнасці ярка выяўляецца жаданне іншага, новага жыцця.
У СССР, у Маскве, паказваюць выставу Пікаса…
Аглушальна гучыць джаз Алега Лундстрэма…
Дудзінцаў гаворыць у сваім рамане, што “Не хлебам адзіным жывы чалавек”…
У “Карнавальнай ночы”, на фоне гіганцкага будзільніка, Э. Разанаў хоча “ашаламіць… вар’’яцкім рытмам”…
У Лондане “трыумф балета Уланавай”…
У ЗША “разбітае пакаленне” (Керуака) імікнецца да іншага жыцця…
Там жа з’яўляецца Элвіс Прэслі”кароль рок-н-ролу” і мюзікл Ф. Лоў
“Мая цудоўная лэдзі”…
Поспех у Канах “Усмешак летняй ночы”, камедыі Бергмана …
У Іва Мантана ў гэты час “Сонцам поўная галава”…
К. Попер заяўляе – “…Стогны песімістаў некалькі надакучылі”…
Юнг ў гэтым жа годзе кажа: “Трызненне і галюцынацыі, як правіла, утрымліваюць некаторае разумнае зерне”…
…
Гэта чароўны час ніколі не паўторыцца, але яго энергія і імпульс далі Сяргею Малішэўскаму магутны зарад, шмат у чым абумовіўшы яго творчасць, унутраны імпульс работ, іх нястрыманую экспрэсію і моцную энергетыку.
Яго смерць супала з пачаткам сусветнага шэсця каранавіруса, які загубіў многія жыцці і парушыў звыклае жыццё грамадства.
Але жыццё чалавечае працягваецца, пастаянна зменьваючы, набываючы ў сваім руху новыя формы і новыя фарбы …
Заўтрашні дзень не магчымы без мінулага, што працягвае свае вечнае жыццё ў дасягненнях будучыні…
У выставе будуць прадстаўлены работы мастакоў:
Сяргей Малішэўскі, Мацвей Басаў, Уладзімір Ганчарук, Валянцін Губараў, Аляксандр Забаўчык, Наталля Іванова, Рыгор Іваноў, Васіль Касцючэнка, Аляксей Несцераў, Рыгор Несцераў, Сяргей Пісарэнка, Сяргей Рымашэўскі, Алена Шлегель, Аляксандр Шыбнеў.
