Запрашэнне да ўдзелу ў выставе друкаванай графікі малых і сярэдніх формаў «MINI MIDI PRINT»

З 20 чэрвеня па 1 ліпеня у "Палацы Мастацтваў" г. Мінск, вул. Казлова, 3, пройдзе выстава друкаванай графікі малых і сярэдніх формаў «MINI MIDI PRINT». 

Выстава будзе насіць адкрыты фармат. (Могуць прымаць удзел усе жадаючыя, якія прайшлі папярэдні адбор). Памер прац абмежаваны 50 см па большым баку. Год стварэння работ не абмяжоўваецца.

Першы этап папярэдняга адбору для жадаючых удзельнічаць у выставе ўжо пачаўся. Ён тычыцца мастакоў не сяброў БСМ. Калі ласка дасылайце свае заяўкі на электронную пошту секцыі "Графіка" g.s.belartunion@gmail.соm з 21 сакавіка па 10 чэрвеня гэтага года. 
Заяўка складаецца з фота работ у фармаце .JPG (да 1 мб), у назве кожнага файла павінна быць наступная інфармацыя: прозвішча і імя аўтара, назва работы, тэхніка і памер. Вынікі адбору будуць апублікаваны на старонцы секцыі "Графіка" у facebook 11 чэрвеня 2018 года.
Другі этап - "выстаўкам". Адбор з прадстаўленых арыгінальных твораў, для тых хто прайшоў першы этап і сяброў БСМ.
Выстаўкам пройдзе 18 чэрвеня ў 12:00.
Кожны аўтар можа падаць да пяці рам па 4 працы ў раме. Апошні тэрмін падачы прац на выставу 18 чэрвеня да 12:00.

Гонар маю!

З вялікай прыкрасцю ды агідай паглядзеў у сеціве відэакліп Вадзіма Галыгіна і гурта “Ленинград”, якім гэтыя “прикольные пацаны” павіншавалі жанчын з прыгожым святам. Нават і не прыгадаю, калі яшчэ нас, беларусаў, так нізка апускалі. Алкашы, дэбілы, дэграданты, прыдуркі з трасянковай лексікаю алігафрэнаў, якая перакладаецца ў цітрах на “правильный высококультурный язык”. І ўся гэтая падвальна-гаражная брыдота суправаджаецца базарна-бардэльным хорам тутэйшых лярваў з прыпевам “хочацца мужыка, лезе ў трусы рука…”. А дырыжыруе гэтаю гідотай народны, здавалася б, артыст Ярмоленка, а на падпеўках – наша бізнес-women Грыбалёва. Што й казаць, дыхтоўны ўнёсак у творчую біяграфію.

Вось такімі нас, беларусаў, бачаць маскоўскія “шнуры” ды іх тутэйшыя лёкаі, гатовыя за тры панскія капейкі патаптацца па ўласным гонары, якога, падобна, няма, а можа ніколі й не было. Ды каб толькі па ўласным, то й хай сабе, але ж патапталіся яны па нацыянальным гонары кожнага з нас, незалежна ад таго, усведамляе гэта хто, ці не. Баюся, што большасць тутэйшых палічыць гэта проста “классным приколом”, прынамсі “tut.by” ды “Наша Ніва” на сваіх старонках у інтэрнеце не прамарудзілі ўслужыць вясёламу “барину”.

Спрабую, ды ніяк не выходзіць уявіць, што гэткае нешта Шнур з дапамогаю тамтэйшых “приколистов”, зняў бы, скажам, пра літоўцаў, палякаў, латышоў, азербайджанцаў, а тыя хуценька перапампоўвалі б “прикол” на свае старонкі, каб як найболей “лабусаў”, “азераў” ды “пшэкаў”, пасмакавалі той плявок. Не думаю, што гэткае магчыма. А намі спадарства, як бачым, можна падцерціся, а мы яшчэ і ўсцешыліся: “ах, как прикольно!”. Бо ўжо зараз “tut.by” заклікае на канцэрты адэпта расійскага брыдкаслоўя гурта “Ленинград”, якія адбудуцца ажно ў кастрычніку. Служым “барину» і прагнем, каб ён наваліў на нас яшчэ болей.

Той, хто дазваляе называць сябе быдлам, відаць, таго й заслугоўвае, а той, хто робіць выгляд, што плявок у вочы – гэта Божая раса, хай па-халопску ўціраецца ды яшчэ й падзякуе за смачны плявок, які, аказваецца, усяго толькі “классный прикол”. Ну а тыя, хто хамства называе хамствам, а дэманстратыўную абразу – абразай, маюць усе шанцы быць запісанымі ў “колхозники” і “курицы”, таму што з-за сваёй цемнаты і тупасці назаўсёды засталіся ў мінулым стагоддзі і не разумеюць вытанчанага гумару. “Ну куды нам да нашых землякоў, прасунутых у маскоўскую гламурную тусню?”

Можна было б паразважаць над прыродай тутэйшага плебейства ды самааплёўвання й заніжанага нацыянальнага імунітэту, але зараз не пра гэта. Зараз мне хацелася б пачуць адпаведнае рэагаванне ад Міністэрства культуры ды Міністэрства інфармацыі нашай краіны. Бо хто, як не яны мусяць дбаць пра вобраз нацыі ў вачах тых, што клянецца ў вечнай любові й братэрстве.

Прыгадалася раптам, як колькі гадоў таму нейкая камісія на чале з М.І. Чаргінцом забараняла канцэрты сусветна знакамітага нямецкага гурта “Rammstein”. Во дзе, сапраўды “прикольно”.

P.S.  Зашмат было б гонару для былых гламурных беларусаў палемізаваць з імі, тым больш даўно ўжо не страшна быць імі залічаным у рэтраграды ды “колхозники”, што цалкам пазбаўленыя пачуцця гумару ды самаіроніі. Ну тут справа ў якасці гумару: адна справа – Жванецкі ці, нават нашы Саша і Сірожа, другая – шнуры з галыгінымі. А галоўнае – самы час прыгадаць беларусам, што калісьці наш народ меў да 7% шляхты, жыццёвым прынцыпам і лозунгам якіх быў кліч “Гонар маю!”

Жыве Беларусь!

Рыгор Сітніца – старшыня Беларускага саюза мастакоў.

Кампанія ў падтрымку новага выдання кнігі Міхала Анемпадыстава «Колер Беларусі»

12 сакавіка пачалася кампанія ў падтрымку новага выдання дызайнерскага альбома выбітнага мастака, дызайнера і паэта Міхала Анемпадыстава “Колер Беларусі”.

Чаму ў беларускай традыцыйнай культуры амаль няма апісанняў зімовых краявідаў і снегу? Як звязаны чырвоны колер з развіццём тэхналогій? Што яднае шэры і зялёны? Чаму «красным» у Беларусі называлі зялёны колер? І ўрэшце - якім ёсць колер Беларусі? Адказы на гэтыя пытанні - не проста забаўныя цікавосткі, гэта падставы для прафесійнай працы. Для архітэктараў, дызайнераў, мастакоў і краязнаўцаў гэта новая веда. Яна дае магчымасць уключаць сваю працу ў гістарычны кантэкст, прастору культуры і мясцовы ланшафт, чаго сёння так моцна бракуе ў стварэнні гарманічнага асярроддзя.

Сем стылёвых даследчых эсэ раскрываюць паходжанне назваў колераў, гісторыю іх распаўсюду на асобных тэрыторыях, сімвалічны змест, чыннікі фармавання каларыстычных прэферэнцый і стыляў. Эсэ дапаўняюцца моцнай візуальнай часткай з 120 неверагодных фатаграфій, што даюць чытачу магчымасць не проста ўбачыць, але і адчуць жыццё колераў в прыродзе, фактурах, пабытовых рэчах і мастацтве.

Кампанія будзе ісці да 25 красавіка.  Падтрымаць кампанію і перадзамовіць кнігу можна па спасылцы https://ulej.by/project?id=683803

Рэцэнзія на кнігу Вольгі Лабачэўскай http://fly-uni.org/novosti/koler-belarusi-recenziya-na-knigu/



Прэзентацыя кнігі паэзіі Рыгора Сітніцы «Ток»
1 сакавіка ў 15.30 на пляцоўках XХV Мінскай міжнароднай кніжнай ярмаркі (выставачны комплекс на пр. Пераможцаў 14) адбылася прэзентацыя кнігі паэзіі Рыгора Сітніцы «Ток» з удзелам аўтара.

Чытаць фрагмент кнігі

Здымкі з сайта выдавецтва «Чатыры чвэрці»: http://www.4-4.by/ 

Международный фестиваль искусства «ART-MINSK»

С 27 апреля по 20 мая 2018 года на многочисленных площадках города впервые пройдет международный фестиваль искусства «ART-MINSK».

Фестиваль «ART-MINSK» объединяет художественные галереи, музеи и пространства и создает программу специальных мероприятий.

Среди площадок, которые примут участие в фестивале – как новые, так и устоявшиеся культурные институции Минска: Республиканская художественная галерея (Дворец искусства), Национальный центр современных искусств Республики Беларусь, Мемориальный музей-мастерская З.И. Азгура, Белорусская государственная академия искусств, Национальная библиотека Беларуси, Художественная галерея Михаила Савицкого, Арт-гостиная «Высокое место», креативное пространство «ОК16», художественные галереи «Арт-Беларусь», «Ў», «Артхаос», «ДК», «Арт-Порт» и «Арт-Блик».

Организаторами проекта выступают: ОАО «Белгазпромбанк», ОАО «Газпром трансгаз Беларусь», Центр изобразительного и медиа искусства «Новая культурная инициатива» и Республиканская художественная галерея ОО «Белорусский союз художников» (Дворец искусства).

Авторам, желающим принять участие в фестивале, необходимо заполнить заявку до 1 марта 2018 года на сайте http://artminsk.by/

Апошнiя навiны