Запрашаем!
Новы праект Беларускага саюза мастакоў
“Колеры Вялікай Перамогі”
20 сакавіка 2024 года ў 16.00 у Палацы мастацтва (вул.Казлова, 3) у галерэі “Арт-Партал” адкрыецца першая выстава праекта “Колеры Вялікай Перамогі”, прысвечанага 80-годдзю вызвалення Беларусі ад нямецка-фашысцкіх захопнікаў. На выставе можно убачыць літаграфіі, афорты, лінгагравюры знакамітых беларускіх графікаў на тэму Вялікай Айчыннай вайны. Большасць работ прадстаўлена з фондаў ГА “БСМ”.
Выставачны праект будзе працаваць у Палацы мастацтва да канца 2024 года. Экспазіцыі ж выстаў будуць мяняцца з цягам часу.
Праект – падарунак ГА “БСМ” для мінчан і гасцей сталіцы.
Бясплатна ў час працы Палаца мастацтваў можна будзе паглядзець жывапіс, графіку, скульптуру, франтавыя замалёўкі ўдзельнікаў і ветэранаў Вялікай Айчыннай вайны, творы вядомых беларускіх мастакоў з фондаў ГА “БСМ” і новыя праекты сябраў саюза. Работы прысвечаны тэме генацыду беларускага народа, трагедыі чалавека ў час акупацыі, вызвалення Беларусі ў 1944 годзе.
Першая выстава праекта “Колеры Вялікай Перамогі” прадставіць графічныя работы на тэму вайны народных мастакоў Беларусі Г.Паплаўскага, В.Шаранговіча, А.Кашкурэвіча, работы такіх вядомых аўтараў як П.Любамудраў, М.Селешчук, М.Гуціеў, А.Дземарын, Р.Віткоўскі, Л.Ран.
У іх – боль, гнеў, захапленне мужнасцю людзей, радасць пераможных дзён, выказаная мовай літаграфій, лінагравюр, афортаў… Усіх аўтараў так ці інакш закранула вайна: праз іх уласныя лёсы як удзельнікаў вайны або праз лёсы бацькоў, праз балючыя дзіцячыя ўспаміны, праз апавяданні родных …
У 1941 годзе тапографам пайшоў на фронт Павел Любамудраў, Мікалай Гуціеў быў у партызанскім атрадзе, у мінскім гета загінула ў час вайны ўся сам’я Лазаря Рана, маленькім хлопчыкам запомніў акупацыю ў Бабруйску Георгій Паплаўскі, а Васіль Шаранговіч усё жыццё згадваў спаленыя вёскі, якія якія давялося ўбачыць у час вайны на роднай Мядзельшчыне.
Пакаленні мастакоў, прадстаўленых у экспазіцыі, розныя, але творчы пасыл у іх работах аднолькава кранальны.
