“ПА-ЗА ЧАСАМ ЧАСУ”. КЕРАМІКА

Праект у рамках выставы “Лаўрэаты V Трыенале дэкаратыўнага мастацтва “Дэкарт-22”. Палац мастацтва.
Адкрыццё 19 студзеня 2023 года ў 18.00
Мэта праекта – вызначэнне і выяўленне асаблівасцяў керамічнай скульптуры або скульптурнай керамікі як памежнай сучаснай з’явы.
Уласцівасці скульптуры – аб’ёмы, рытмы мас і прапорцый, чаргаванне разнаважкіх дэталяў, метафарычныя і абагульненыя вобразы – даўно належаць не толькі манументальнаму скульптурнаму твору. Погляд на пэўную рэч, з’яву, суб’ект і выраз яго ў матэрыяльнай форме адносіцца і да твораў керамікі. Раскрыццё сутнасці вобразаў, адлюстраванне светапогляду, думак праз формы выводзіць работы керамістаў у поле мастацкае і менш функцыянальнае.
Удзельнікі выставы з’яўляюцца не толькі рамеснікамі (хоць і дадзены бок прафесіі, несумненна, важны), але і знаходзяць у матэрыяле спосабы і прыёмы для адлюстравання думак, ідэй, аўтарскай задумы.
У іх творах можна знайсці як функцыянальныя і дэкаратыўныя характарыстыкі, так і характарыстыкі станковай формы, калі твор носіць самастойны характар, неўтылітарны і недэкаратыўны, адрозніваецца псіхалагізмам, апавядальнасцю, сімвалічнасцю і метафарычнасцю. Такім чынам, работы ўдзельнікаў выставы можна аднесці да малой пластыкі. У адрозненне ад манументальных скульптурных прац, яны камерныя, бліжэйшыя да гледача: іх можна дэталёва разгледзець зблізку, вывучыць пластычныя і тэхналагічныя знаходкі аўтара, адчуць, як арганізоўвае вакол сябе прастору аб’ект і ўсталяваць прамы кантакт з іх стваральнікам.
Сярод аўтараў, работы якіх плануецца экспанаваць, сабраны як маладыя прадстаўнікі прафесіі, якія зусім нядаўна скончылі Беларускую дзяржаўную акадэмію мастацтваў, так і мэтры гэтай сферы. Сінтэз прафесіяналаў розных пакаленняў, якія размаўляюць на адной мове вобразаў, карыстаюцца адным метафарычным падыходам, вельмі цікавы: у гэтым раўнапраўным прадстаўленні прац дасведчаных майстроў і тых, хто толькі распачаў свой шлях у прафесіі, ёсць момант пераемнасці традыцый і моцнай супольнасці прафесіяналаў.

ВІНШУЕМ ГЛЕБА АНАТОЛЬЕВІЧА ОТЧЫКА З ПЕРАВЫБАРАМІ НА ПОСТ СТАРШЫНІ БЕЛАРУСКАГА САЮЗА МАСТАКОЎ

15 снежня 2022 года ў канферэнц-зале Нацыянальнай бібліятэкі Беларусі адбыўся XXIV з’езд грамадскай арганізацыі “Беларускі саюз мастакоў”. З перважнай большасцю галасоў у першым туры адкрытым галасаваннем старшынёй Беларускага саюза мастакоў быў абраны ГЛЕБ АНАТОЛЬЕВІЧ ОТЧЫК! Шчыра віншуем новага старшыню саюза і зычым яму поспехаў у справе развіцця выяўленчага мастацтва ў краіне!

БОЛЬШ ПАДРАБЯЗНА »

СПАЧУВАЕМ! ПАЙШОЎ З ЖЫЦЦЯ ДЗЯДЗЮЛЯ УЛАДЗІМІР УЛАДЗІМІРАВІЧ

CПАЧУВАЕМ! 22 студзеня 2023 года на 67 годзе пайшоў з жыцця вядомы беларускі мастак, педагог, жывапісец, сябра секцыі манументальна-дэкаратыўнага мастацтва ДЗЯДЗЮЛЯ УЛАДЗІМІР УЛАДЗІМІРАВІЧ. Беларускі саюз мастакоў выказвае шчырае спачуванне родным і блізкім мастака. Кароткая біяграфія мастака: Нарадзіўся ў 1956 г. У 1986 – скончыў Беларускі дзяржаўны тэатральна-мастацкі інстытут. У 1991 – скончыў творчыя майстэрні Акадэміі

БОЛЬШ ПАДРАБЯЗНА »

СПАЧУВАЕМ! НА 82-м ГОДЗЕ ПАМЁР СКУЛЬПТАР АЗАТ МІКАГОСАВІЧ ТАРАСЯН

14 студзеня 2023 года на 82-м годзе жыцця памёр беларускі скульптар, сябра Віцебскай абласной арганізацыі Беларускага саюза мастакоў АЗАТ МІКАГОСАВІЧ ТАРАСЯН. Беларускі саюз мастакоў выказвае шчырае спачуванне родным і блізкім мастака.

БОЛЬШ ПАДРАБЯЗНА »

ПРЭС-КАНФЕРЭНЦЫЯ Ў ДОМЕ ПРЭСЫ. 27 МАЯ 2021 ГОДА

У прэс-цэнтры Дома прэсы пагутарылі пра новыя праекты Беларускага саюза мастакоў, якія адкрыюцца 27 мая ў Палацы мастацтва:  фестываль мастацкай фатаграфіі “Мост”, выставачны праект секцыі графічнага дызайна “Літарт” і выставу секцыі жывапісу “Лабірынт”

БОЛЬШ ПАДРАБЯЗНА »