У рамках арт-фестывалю “VIVAT VITA” — жыве жывое мастацтва. Гарадская мастацкая галерэя твораў Л.Д.Шчамялёва сёлета стала адной з пляцовак вялікага арт-фестывалю выяўленчага мастацтва, які аб’ядноўвае тры праекты — I трыенале жывапісу, графікі і скульптуры Беларускага саюза мастакоў “VIVAT VITA”, міжнародны фестываль «Арт-Мінск» і выставачны праект “Графіка года”.
“…Большасць з народных мастакоў Беларусі ўжо не так часта і актыўна ўдзельнічае ў рэспубліканскіх выставах. Аддючы даніну павагі нашым знакамітым сучаснікам, якія ўжо сталі класікамі айчыннага мастацтва, мы прадстаўляем у асобнай экспазіцыі іх новыя работы, а таксама творы, якія рэдка з’яўляюцца ў выставачнай прасторы і захоўваюцца ў асноўным у майстэрні. Іх жывапіс, скульптурныя кампазіцыі стануць для крытыкаў, калег і аматараў мастацтва адкрыццём…”
