30 04. — 20 06. 2021.
Віцебскі цэнтр сучаснага мастацтва прадстаўляе праект ”Імунітэт” вядомага віцебскага скульптара Сяргея Сотнікава, сябры Віцебская арганізацыі Беларускага саюза мастакоў.
Імунітэт (ад лац. immunitas — вызваленне) – гэта здольнасць арганізма падтрымліваць сваю і біялагічную індывідуальнасць шляхам распазнання і выдалення чужародных рэчываў і клетак.
Праект прысвечаны нашым сучаснікам і іх здольнасці захаваць сваю індывідуальнасць падчас небывалых абмежаванняў і зменаў “кавіднай” эпохі. У праекце возьмуць удзел мастакі, у работах якіх будзе адлюстравана ўся шырыня і не адназначнасць гэтай з’явы.
Непаўторнасць чалавечай асобы і аблічча, унікальнасць кожнага з нас — у рэальных і выдуманых скульптурных вобразах, прадстаўленых Сяргеем Сотнікавым у арт-прасторы.
