СЯБРЫ!
СПАЧУВАЕМ!
16 лістапада 2023 года на 43 годзе ад цяжкога анкалагічнага захворвання пайшла з жыцця МЯСНІКОВА КАЦЯРЫНА ВІКТАРАЎНА, мастачка, сябра Віцебскага абласнога аддзялення Беларускага саюза мастакоў.
Беларускі саюз мастакоў выказвае шчырае спачуванне родным і блізкім мастачкі.
Балюча і горка, што Кацярына пайшла з жыцця так рана – у 42 гады… Яна жыла ў Полацку, але была вядомай па ўсёй Беларусі сваімі куратарскімі праектамі. Наладжвала творчыя падарожжы па краіне з такімі з маладымі энтузіястамі-мастакамі як і яна. Малявала сухой пастэллю.
Кацярына Мяснікова скончыла мастацка-графічны факультэт Віцебскага дзяржаўнага ўніверсітэта імя П. М. Машэрава (2004). З 2005 года займалася арганізацыяй маладзёжных пленэраў («У пошуках Атлантыды»), акцый і сімпозіумаў. Аўтар канцэпцыі і куратар праекта «Беларускі АРТ-алфавіт» (2012, 2014). Мае публікацыі ў рэгіянальных і рэспубліканскіх выданнях. З 2006 года – актыўны ўдзельнік мастацкіх выстаў, пленэраў. Сябра Беларускага саюза мастакоў (2014).
