СЯБРЫ! СПАЧУВАЕМ!
17 кастрычніка 2023 года пасля цяжкога захворвання на 71 годзе пайшоў з жыцця беларускі мастак-графік, сябра секцыі графікі Беларускага саюза мастакоў УЛАДЗІМІР АЛЯКСАНДРАВІЧ ЛУКАШЫК.
Беларускі саюз мастакоў выказвае шчырае спачуванне родным і блізкім мастака.
Развітанне з Уладзімірам Лукашыкам адбудзецца 19 кастрычніка ў 12.00 у зале развітання па адрасе вул.Кальварыйская 33а.
Уладзімір Лукашык у 1976 годзе скончыў Беларускі дзяржаўны тэатральна-мастацкі інстытут. З 2000 года выкладаў у Акадэміі мастацтваў. З 1988 года – сябра БСМ.
Працаваў у станковай і кніжнай графіцы, як дызайнер, педагог. Лаўрэат прэміі “За лепшае выданне года” (2004) і дыпламант Нацыянальнага конкурсу “Мастацтва кнігі” (1983, 2001, 2006), дыпламант Усесаюзнага конкурсу “Мастацтва кнігі” (1983), лаўрэат прэміі Рэспубліканскага конкурсу “Мастак і кніга” (2007) у намінацыі “Родныя напевы”.
