28 кастрычніка 2023 года пайшоў з жыцця вядомы беларускі мастак-жывапісец, сябра Беларускага саюза мастакоў з 1994 г., Лагуновіч-Чарэпка Сяргей Аляксандравіч
(27.12.1953 – 28.10.2023).
Беларускі саюз мастакоў выказвае шчырае спачуванне блізкім і родным мастака.
Развітанне з Сяргеем Аляксандравічам Лагуновічам-Чарэпкам адбудзецца 30 кастрычніка 2023 г. а 11-й гадзіне ў памяшканні Мінскага крэматорыя на Паўночных могілках.
Сяргей Лагуновіч-Чарэпка нарадзіўся ў Мінску, скончыў рэспубліканскую школу-інтэрнат па музыцы і выяўленчаму мастацтву (1971), Беларускі дзяржаўны тэатральна-мастацкі інстытут (1977). Яго дыпломная карціна “Мядзвежая пацеха”стала значнай з’явай у засваенні гістарычнай і этнічнай спадчыны Беларусі. Теме нацыянальнай гісторыі мастак заставаўся заўсёды верны, ім створаны шэраг выразных партрэтаў гістарычных асоб і сучаснікаў мастака: “Партрэт фізіка-тэарэтыка А. Вялічкі”, “Партрэт мастака-рстаўратара А. Ліпскага” і інш
