СПАЧУВАЕМ! ПАЙШОЎ З ЖЫЦЦЯ МАСТАК-МАНУМЕНТАЛІСТ ЮРЫЙ БАРЫСАВІЧ БАГУШЭВІЧ

20 снежня 2022 года на 77-годдзе заўчасна пайшоў з жыцця вядомы беларускі мастак-манументаліст ЮРЫЙ БАРЫСАВІЧ БАГУШЭВІЧ, сябра секцыі манументальна-дэкаратыўнага мастацтва Беларускага саюза мастакоў.

Беларускі саюз мастакоў выказвае спачуванні родным і блізкім ЮРЫЯ БАРЫСАВІЧА БАГУШЭВІЧА і падзяляе боль ад незаменнай страты для беларускай культуры.
УЛАДЗІМІР СЦЯПАН: На здымку – вядомы беларускі мастак-манументаліст Юрый Багушэвіч. Ён адзін з тых, хто працаваў з Аляксандрам Кішчанкам, дапамагаючы ўвасобіць задуманае.
Гэты здымак Яўгена Коктыша – падарожжа ў мінулае, якое здаецца ўжо далёкім.
Здымак пастановачны, але фатограф гэтага і не хавае, занадта прыбраны мастак, а вось асяроддзе і антураж – натуральныя. Стол, слоікі з фарбай, пэндзаль у руцэ. Звычайна так і выглядае майстэрня манументалістаў, дзе вядзецца вялікая падрыхтоўчая праца, дзе невялікі эскіз, зроблены аўтарам, павялічваецца, ператвараючыся ў кардон такога ж памеру, які стане будучая мазаіка. Дарэчы, частка кардона бачная, ён на заднім плане, ля сцяны. Зразумела, што немагчыма знайсці такую майстэрню, дзе б умясціўся кардон будучага пано для тарца шматпавярховага дома. Яго даводзілася рабіць па частках.
Гадоў дзесяць таму ў Палацы мастацтва праходзіла персанальная выстава Юрыя Багушэвіча. Мастак паказаў гледачам не толькі свае манументальныя работы, некаторыя і сёння можна ўбачыць. Ён – адзін з тых, хто прыдумаў афармленне станцыі Мінскага метрапалітэна «Плошча Якуба Коласа».
На выставе было шмат жаночых партрэтаў і пейзажаў, зусім не падобных да яго твораў манументальнага жывапісу. Яны дзівілі какой–то прастатой і празрыстасцю і нагадвалі добрыя лірычныя вершы і старадаўнія фрэскі.
Паглядзіце ўважліва на гэты здымак маладога мастака. У ім каким–то цудоўнай выявай злучаныя мінулае і будучыня. Эскізы і кардон за яго спіной неўзабаве ператворацца ў гіганцкія мазаічныя пано…”
Кароткая біяграфія
Юрый Барысавіч Багушэвіч нарадзіўся 23 красавіка 1946г. у г. Глыбокае, Віцебскай вобласці, Глыбоцкі раён.
Скончыў Мінскае мастацкае вучылішча (1966), Беларускі дзяржаўны тэатральна-мастацкі інстытут (1973). Вучыўся ў Г. Вашчанкі. Удзельнік мастацкіх выставак.
Сябра Беларускага саюза мастакоў з 1978 года.
Працаваў у манументальна-дэкаратыўным, а таксама станковым жывапісе.
Асноўныя работы: роспіс “Песня пра Беларусь” у Палацы культуры тарфянікаў г.п. Праўдзінскі Мінскай вобласці; мастацкае афармленне станцыі метро “Плошча Я. Коласа” ў Мінску; мазаікі “Зямля, апаленая вайной”, “Зямля адроджаная”, “Асветнікі” на Брэсцкім электрамеханічным заводзе, “Салют” на фасадзе кінатэатра “Салют” у Мінску, размалёўка “Мінск – горад-герой” у былым будынку Мінскага гаркама КПБ (усё ў суаўтарстве); карціны “Ураджай”, “Цёплая ноч”, “Юнацтва нашых бацькоў”.

Светлай памяці мастака Уладзіміра Лісавенкі

На 62-м годзе жыцця 9 студзеня 2021 года пасля цяжкой хваробы памёр УЛАДЗІМІР ІВАНАВІЧ ЛІСАВЕНКА, выдатны беларускі творца, аўтар яркіх эксперыментальных габеленаў, сябра Беларускага саюза мастакоў, секцыі мастацкага тэкстылю, і Беларускага саюза дызайнераў. БЕЛАРУСКІ САЮЗ МАСТАКОЎ, СЯБРЫ І КАЛЕГІ, УСЯ ТВОРЧАЯ СУПОЛЬНАСЦЬ ШЧЫРА ПАДЗЯЛЯЕ ГОРА, ЯКОЕ НАПАТКАЛА СЯМ’Ю МАСТАКА, І ПРЫНОСІЦЬ САМЫЯ ГЛЫБОКІЯ СПАЧУВАННІ ЯГО

БОЛЬШ ПАДРАБЯЗНА »

НОВЫЯ ВЫСТАВАЧНЫЯ ПРАЕКТЫ ГА “БСМ”: ПРЭС-КАНФЕРЭНЦЫЯ Ў ПРЭС-ЦЭНТРЫ ДОМА ПРЭСЫ

У Прэс-цэнтры Дома прэсы адбылася прэс-канферэнцыя прадстаўнікоў Беларускага саюза мастакоў, на якой былі агучаны выставачныя праекты саюза на 2023 год. Трансляцыю прэс-канферэнцыі можна паглядзець па спасылцы: https://youtu.be/N1CnRZTEFSE

БОЛЬШ ПАДРАБЯЗНА »

ВЯЛІКАЯ СТРАТА ДЛЯ БЕЛАРУСКАГА МАСТАЦТВА! ПАЙШОЎ З ЖЫЦЦЯ МАСТАК АЛЕСЬ РОДЗІН

19 снежня 2022 года на 76-годдзе заўчасна пайшоў з жыцця вядомы беларускі мастак АЛЕСЬ ІВАНАВІЧ РОДЗІН, культавая фігура старэйшага пакалення беларускіх мастакоў-нонканфармістаў, жывапісец, графік, перформер, сябра секцыі “Пагоня” Беларускага саюза мастакоў. Алесь Родзін быў адным з арганізатараў фестываляў міжнароднага эксперыментальнага мастацтва “ДАХ” (“DACH”. Берлін – Мінск: 2001 – 2016), рэзідэнтамартхауса “ТАХЕЛЕС” у Берліне (1990 –

БОЛЬШ ПАДРАБЯЗНА »

ВІНШУЕМ З 90-ГОДДЗЕМ ЯКУНА ІСМАІЛАВІЧА ХАЙРУЛІНА!

ВІНШУЕМ З 90-ГОДДЗЕМ!ХАЙРУЛІНА ЯКУНА ІСМАІЛАВІЧА, вядомага беларускага мастака-плакатыста, сябру секцыі графічнага дызайна Беларускага саюза мастакоў, якому 21 мая 2022 года спаўняецца 90 гадоў! Шматгранная творчасць мастака Якуна Хайруліна – злабадзённыя плакаты, афармленне спектакляў, работы ў жывапісе – такі велізарны дыяпазон мастака. Ён актыўна адгукаецца ў сваёй творчасці на найбольш важныя падзеі ў краіне. Нарадзіўся ў

БОЛЬШ ПАДРАБЯЗНА »