2 сакавіка 2021 года на 78-м годзе жыцця пасля працяглай хваробы памёр жывапісец, сябра секцыі жывапісу Беларускага саюза мастакоў УЛАСАЎ ІГАР УЛАДЗІМІРАВІЧ. БЕЛАРУСКІ САЮЗ МАСТАКОЎ, СЯБРЫ І КАЛЕГІ, УСЯ ТВОРЧАЯ СУПОЛЬНАСЦЬ ШЧЫРА ПАДЗЯЛЯЕ ГОРА, ЯКОЕ НАПАТКАЛА СЯМ’Ю МАСТАКА, І ПРЫНОСІЦЬ САМЫЯ ГЛЫБОКІЯ СПАЧУВАННІ ЯГО РОДНЫМ, СЯБРАМ І БЛІЗКІМ.
Развітанне і пахаванне Уласава Ігара Уладзіміравіча адбудзецца 4 сакавіка (чацвер) у 15.00 у крэматорыі Паўночных могілак.
Ігар Уладзіміравіч Уласаў нарадзіўся 10 лютага 1944 года на станцыі Абазерская Архангельскай вобласці. Застаўшыся без бацькоў ва ўзросце 1 года, выхоўваўся ў дзіцячых дамах Расіі і Беларусі.
Мастацкія здольнасці І.Уласава выявіліся яшчэ ў дзяцінстве. У 14 гадоў паступіў у Мінскае мастацкае вучылішча, якое скончыў ў 1964 годзе. Тры гады праходзіў службу ў войску, пасля чаго паступіў на факультэт жывапісу Беларускага тэатральна-мастацкага інстытута, скончыўшы які ў 1975 годзе, працаваў на Мастацкім камбінаце ГА “БСМ”.
26 гадоў выкладаў малюнак, жывапіс, кампазіцыю ў Мінскім мастацкім вучылішчы імя. А.К. Глебава.
Ігар Уласаў – майстар рэалістычнай карціны. Яго мастацкая філасофія была заснавана на дбайным назіранні за натурай. Працуючы ў жанрах сюжэтных кампазіцый, нацюрморта, партрэта, пейзажу, ён аддаваў перавагу багаццю выяўленчай мовы рэалістычнага мастацтва.
2 сакавіка
