Светлай памяці мастака Уладзіміра Лісавенкі

На 62-м годзе жыцця 9 студзеня 2021 года пасля цяжкой хваробы памёр УЛАДЗІМІР ІВАНАВІЧ ЛІСАВЕНКА, выдатны беларускі творца, аўтар яркіх эксперыментальных габеленаў, сябра Беларускага саюза мастакоў, секцыі мастацкага тэкстылю, і Беларускага саюза дызайнераў.

БЕЛАРУСКІ САЮЗ МАСТАКОЎ, СЯБРЫ І КАЛЕГІ, УСЯ ТВОРЧАЯ СУПОЛЬНАСЦЬ ШЧЫРА ПАДЗЯЛЯЕ ГОРА, ЯКОЕ НАПАТКАЛА СЯМ’Ю МАСТАКА, І ПРЫНОСІЦЬ САМЫЯ ГЛЫБОКІЯ СПАЧУВАННІ ЯГО РОДНЫМ, СЯБРАМ І БЛІЗКІМ.

Сумна, што сыходзяць адзін за адным творцы, якія былі і застануцца яркімі постацямі ў гісторыі айчыннага дэкаратыўна-прыкладнога мастацтва. Зусім нядаўна мы развіталіся з Алай Іванаўнай Непачаловіч. А сёння пайшоў з жыцця яе калега, удзельнік шматлікіх сумесных з ёю мастацкіх праектаў Уладзімір Іванавіч Лісавенка.

Фірменны почырк Уладзіміра Лісавекі запомніўся многім прыхільнікам эксперыментальнага габелену. Ён умеў пераўтвараць у творы мастацтва магнітафонныя стужкі і старыя джынсавыя тканіны. Для яго джынсы былі не толькі сімвалам маладосці, але і фактурным матэрыялам, больш, чым проста адзенне. “Джынсы – гэта для майго пакалення ўсё. Я проста гэтыя старыя штаны запускаю ў вечнае жыццё “,– тлумачыў аўтар у сваіх інтэрв’ю.

Аўтарскім габеленам Уладзіміра Лісавенкі ўласціва спалучэнне паэтычных мастацкіх вобразаў, выкананых у стрыманай каляровай гаме, з інтэнсіўным і ў той жа час тонкім пачуццём рытму і матэрыялу.

Мастацтвазнаўца Пётра Васілеўскі: “Для спадара Уладзіміра ткацтва – тое ж, што і маляванне. Ён увасабляе ў габелене думкі, якія маглі б быць занатаванымі алоўкам на паперы альбо фарбамі на палатне. Прычым ступень выяўленчай умоўнасці калі-нікалі мяжуе з так званым наіўным мастацтвам. Аднак нават калі аўтар імітуе стылістыку дылетанта, адчуваецца ўпэўненая рука прафесіянала”.

А ўсяго некалькі гадоў таму адбылася юбілейная выстава Уладзіміра Лісавенкі ў Палацы мастацтва. І да яе адкрыцця Ала Непачаловіч напісала: “Уладзімір Лісавенка ў сваёй творчасці звяртаецца да разнастайных тэм, стварае шырокі спектр своеасаблівых мастацкіх вобразаў. Мастак пастаянна эксперыментуе, не абмяжоўваючыся тэхнікай гладкага ткацтва. У яго працах прасочваецца аснова класічных традыцый габелена і беларускага узорнага ткацтва. Аднак наватарскія стылістычныя ідэі і аўтарскія прёмы выканання Уладзіміра, дапоўненыя ўдалым выкарыстоўваннем неардынарных сучасных матэрыялаў, прыцягваюць велізарную цікавасць і ўвагу гледача да яго твораў”.
Кароткая біяграфія

Нарадзіўся 24 жніўня 1959 года ў г. Клін, Маскоўская вобласць, Расія.
У 1985 г. скончыў Віцебскі тэхналагічны інстытут лёгкай прамысловасці – аддзяленне мастацкага аздаблення і мадэлявання вырабаў тэкстыльнай і лёгкай прамысловасці.
Працаваў у галіне тэкстыль-дызайна, інтэр’ера і аўтарскага габелена.
З 1986 г. удзельнічаў у мастацкіх выставах.
З 1990 г. – выкладаў мастацтва габелена ў Дзіцячай мастацкай школе №3 г.Мінска.
З 1993 г. – сябра Беларускага саюза дызайнераў.
З 1994 г. – сябра Беларускага саюза мастакоў.
Габелены мастака знаходзяцца ў фондах Нацыянальнага цэнтра сучасных мастацтваў Рэспублікі Беларусь, у шматлікіх прыватных зборах Беларусі і Еўропы.

СПАЧУВАЕМ!

СЯБРЫ! СПАЧУВАЕМ! 17 жніўня 2023 года на 83 годзе пайшоў з жыцця вядомы беларускі мастак, сябра Магілёўскай абласной арганізацыі Беларускага саюза мастакоў Барыс Іванавіч Первунінскіх. Беларускі саюз мастакоў выказвае глыбокае спачуванне родным і блізкім мастака. Барыс Іванавіч Первунінскіх нарадзіўсявіка 1941 у вёсцы Райгарадок Шчучынскага раёна Акмалінскай вобласці Беларускі тэатральна — мастацкі інстытут ён скончыў у

БОЛЬШ ПАДРАБЯЗНА »

АНАТОЛЬ ОТЧЫК. ВЫСТАВА ЖЫВАПІСУ Ў ЛЕПЕЛЬСКІМ РАЁННЫМ КРАЯЗНАЎЧЫМ МУЗЕІ

У Лепельскім раённым краязнаўчым музеі 27 лютага адкрылася выстава жывапісу Анатоля Отчыка. Анатоль Отчык – ураджэнец Гомельскай вобласці. Скончыў Пензенскае мастацкае вучылішча, Беларускі дзяржаўны тэатральна-мастацкі інстытут. Выстаўляецца з 1978 года, сябра Беларускага саюза мастакоў. У сваіх творах закранае сацыяльныя і экалагічныя праблемы. А таксама звяртаецца да блізкай і далёкай гісторыі роднага краю. Ён імкнецца больш

БОЛЬШ ПАДРАБЯЗНА »

ПАМЯЦІ ВОГНЕНЫХ ВЁСАК – ПЕРШАЯ ВЫСТАВА З ПРАЕКТА “КОЛЕРЫ ВЯЛІКАЙ ПЕРАМОГІ”

Першая выстава праекта “Колеры Вялікай Перамогі” прадставіць графічныя работы на тэму вайны народных мастакоў Беларусі Г.Паплаўскага, В.Шаранговіча, А.Кашкурэвіча, работы такіх вядомых аўтараў як П.Любамудраў, М.Селешчук, М.Гуціеў, А.Дземарын, Р.Віткоўскі, Л.Ран. У іх – боль, гнеў, захапленне мужнасцю людзей, радасць пераможных дзён, выказаная мовай літаграфій, лінагравюр, афортаў… Усіх аўтараў так ці інакш закранула вайна: праз іх уласныя

БОЛЬШ ПАДРАБЯЗНА »

ВІНШУЕМ З 90-ГОДДЗЕМ ЯКУНА ІСМАІЛАВІЧА ХАЙРУЛІНА!

ВІНШУЕМ З 90-ГОДДЗЕМ!ХАЙРУЛІНА ЯКУНА ІСМАІЛАВІЧА, вядомага беларускага мастака-плакатыста, сябру секцыі графічнага дызайна Беларускага саюза мастакоў, якому 21 мая 2022 года спаўняецца 90 гадоў! Шматгранная творчасць мастака Якуна Хайруліна – злабадзённыя плакаты, афармленне спектакляў, работы ў жывапісе – такі велізарны дыяпазон мастака. Ён актыўна адгукаецца ў сваёй творчасці на найбольш важныя падзеі ў краіне. Нарадзіўся ў

БОЛЬШ ПАДРАБЯЗНА »