УЛАДЗІМІР КЛІМУШКА. МЯЖА АДСУТНАСЦІ

17 чэрвеня  2021 года ў 18.00 у Рэспубліканскай мастацкай галерэі “Палац мастацтва” (вул. Казлова, 3) мае адбыцца адкрыццё выставы жывапісу Уладзіміра Клімушкі, сябры секцыі жывапісу Беларускага саюза мастакоў, «МЯЖА АДСУТНАСЦІ», прысвечаная 50-гадоваму юбілею мастака.

Выстава прымеркаваная да 50-гадовага юбілею вядомага беларускага жывапісца, але мае не рэтраспектыўны, а тэматычны характар. Гледачу прапаноўваюцца некалькі цыклаў жывапісных твораў, напісаных на працягу апошніх пяці гадоў, аб’яднаныя пераасэнсаваннем адвечна актуальных міфалагічных матываў.

Экспазіцыя выставы ў асноўным пабудавана на творах, крыніца інспірацыі для якіх месціцца ў прасторы паміж Гамерам і Гільгамешам. Уладзімір Клімушка не ілюструе міфы, яго на дадзены момант не цікавяць рэпрадуцыруючыя формы мастацтва, але ён працуе на ўзроўні асацыяцый, выкарыстоўваючы інструментарый уласнай вобразна-пластычнай мовы.

Уладзімір Клімушка ў сваім праекце “Мяжа адсутнасці” прапануе гледачу адчуць сабе часткай агульнага вялікага Сусвету і звярнуцца да першаасноў. Глыбінныя чалавечыя законы, праблемы пошуку наканавання, трывалай глебы, складанасці выбару —усё гэта вырашана праз віхуры рытмаў, мігаценне каларыстычных нюансаў, усплёскі акцэнтаў. Лінейныя канструкцыі буйнафарматных нефігуратыўных твораў маюць семантычнае падабенства з шумерскім клінапісам: гэта таксама своеасаблівыя знакі, у якіх зашыфравана інфармацыя: думкі і пачуцці аўтара, яго спадзяванні і развагі.

Цыкл “Звароты” у сваім пластычным малюнку і сэнсавым напаўненні выяўляюць прадчуванне зменаў і неабходнасць захавання базісных нацыянальных канстантаў, з’яўляюцца мяжой адсутнасці ў вобразнай сістэме мастака.

Уладзімір Клімушка — мастак-жывапісец, выкладчык Гімназіі-каледжа мастацтваў імя І.В.Ахрэмчыка, сябра Беларускага саюза мастакоў, удзельнічаў у больш чым 60-ці мастацкіх выставах. Яго работы знаходзяцца ў фондах Нацыянальнага цэнтра сучасных мастацтваў Рэспублікі Беларусь, прыватных калекцыях Беларусі, Польшчы, Германіі, Нідэрландаў, Расіі.

Выстава працуе да 30 чэрвеня 2021 года

 

Светлай памяці мастака Уладзіміра Лісавенкі

На 62-м годзе жыцця 9 студзеня 2021 года пасля цяжкой хваробы памёр УЛАДЗІМІР ІВАНАВІЧ ЛІСАВЕНКА, выдатны беларускі творца, аўтар яркіх эксперыментальных габеленаў, сябра Беларускага саюза мастакоў, секцыі мастацкага тэкстылю, і Беларускага саюза дызайнераў. БЕЛАРУСКІ САЮЗ МАСТАКОЎ, СЯБРЫ І КАЛЕГІ, УСЯ ТВОРЧАЯ СУПОЛЬНАСЦЬ ШЧЫРА ПАДЗЯЛЯЕ ГОРА, ЯКОЕ НАПАТКАЛА СЯМ’Ю МАСТАКА, І ПРЫНОСІЦЬ САМЫЯ ГЛЫБОКІЯ СПАЧУВАННІ ЯГО

БОЛЬШ ПАДРАБЯЗНА »

Віншуем з юбілеем!

Віншуем з 75-годдзем мастака-графіка, прадстаўніка знакамітай віцебскай школы акварэлі ГЕОРГІЯ ЛЯВОНАВІЧА ТАНКОВІЧА, сябру Віцебскай абласной арганізацыі. Творчасць гэтага сціплага і вельмі дэлікатнага мастака прыцягвае увагу сваёй адметнасцю і, шчырасцю. Георгій Танковіч – прыхільнік акварэльнага жывапісу па вільготнай паперы, на якой яму заўжды ўдаецца перадаць характар і настрой натуры, якую ён адлюстроўвае. У яго творах ёсць нейкая

БОЛЬШ ПАДРАБЯЗНА »

СПАЧУВАЕМ! НА 78-М ГОДДЗЕ ЖЫЦЦЯ ПАМЁР УЛАСАЎ ІГАР УЛАДЗІМІРАВІЧ

  2 сакавіка 2021 года на 78-м годзе жыцця пасля працяглай хваробы памёр жывапісец, сябра секцыі жывапісу Беларускага саюза мастакоў УЛАСАЎ ІГАР УЛАДЗІМІРАВІЧ.    БЕЛАРУСКІ САЮЗ МАСТАКОЎ, СЯБРЫ І КАЛЕГІ, УСЯ ТВОРЧАЯ СУПОЛЬНАСЦЬ ШЧЫРА ПАДЗЯЛЯЕ ГОРА, ЯКОЕ НАПАТКАЛА СЯМ’Ю МАСТАКА, І ПРЫНОСІЦЬ САМЫЯ ГЛЫБОКІЯ СПАЧУВАННІ ЯГО РОДНЫМ, СЯБРАМ І БЛІЗКІМ.      Развітанне і пахаванне Уласава Ігара

БОЛЬШ ПАДРАБЯЗНА »

ПРЭС-КАНФЕРЭНЦЫЯ Ў ДОМЕ ПРЭСЫ. 27 МАЯ 2021 ГОДА

У прэс-цэнтры Дома прэсы пагутарылі пра новыя праекты Беларускага саюза мастакоў, якія адкрыюцца 27 мая ў Палацы мастацтва:  фестываль мастацкай фатаграфіі “Мост”, выставачны праект секцыі графічнага дызайна “Літарт” і выставу секцыі жывапісу “Лабірынт”

БОЛЬШ ПАДРАБЯЗНА »