«Усё будзе добра». Выстава Людмілы Шчамялёвай у галерэі «Мастацтва»

Творчы почырк Людмілы Шчамялёвай надзвычай самабытны, іранічны і адначасова прасякнуты цеплынёй чалавечых пачуццяў. Яе карціны — своеасаблівыя міні-гісторыі штодзённага побыту звычайных людзей, якія шчодра аздобленыя гумарам, але ў той да час у іх гучыць сум і трывога за сённяшні дзень.
Мастацтвазнаўца Барыс Крэпак, аналізуючы карціны Людмілы і яе мужа жывапісца Ігара Рымашэўскага, угадваў у іх творах «вобразы Ніка Пірасмані, Наталлю Ганчарову з Міхаілам Ларыёнавым, “бубнова-валетаўцаў” з іх інтанацыямі ў сферы гарадскога народнага выяўленчага мастацтва пачатку ХХ стагоддзя, якое ўвабрала ўсю стракатасць, народнасць святочнага фальклорнага колазвароту і якое ішло ад лубка і прымітыву. Таго прымітыву, які з’яўляецца асновай гарадской творчай стыхіі. Але і Ігар, і Людміла апелююць зусім не да настальгічных і нават не столькі да эстэтычных, колькі да эмацыянальнажыццёвых перажыванняў, заклікаючы не да “любавання”, а як бы да непасрэднага “ўзнаўлення” тых вобразаў і аксесуараў, якія мы штодзённа з цеплынёй і гумарам назіраем у жыцці горада, яго “інтэр’ераў” і наваколля урбаністычнай цывілізацыі.”
У творах Людмілы Шчамялёвай заварожвае пачуццё свабоднай раскаванасці персанажаў горада і вёскі. У прывольны і рухаючы «жанравы» лад яна ўключае і чалавечыя фігуры, і жывёлы, і птушак, і дрэвы, і кветкі, і дамы, дзе заўсёды віруе жыццё.
Святло, якое зыходзіць ад яе работ, мяккае і прыцягальнае. Запрашаем: ўвайдзіце і паглядзіце экспазіцыю. Далібог, станеце крышачку дабрэйшыя!
ЛЮДМІЛА ШЧАМЯЛЁВА
У 1979 г. — скончыла Мінскае мастацкае вучылішча ім. А. К. Глебава
З 1979 г. — удзельніца абласных, рэспубліканскіх, замежных і персанальных мастацкіх выстаў.
З’яўляецца членам Беларускага саюза мастакоў.
Працуе ў галіне жывапісу, дэкаратыўна прыкладнога мастацтва і ілюстрацыі.
Работы знаходзяцца ў Нацыянальным мастацкім музеі Рэспублікі Беларусь і ў прыватных калекцыях Беларусі, Расіі, Італіі, Нідэрландах, Германіі, Чэхіі, Польшчы і інш.

ВЯЛІКАЯ СТРАТА ДЛЯ НАЦЫЯНАЛЬНАГА МАСТАЦТВА!

На 98-м годзе жыцця 14 студзеня 2021 года пасля цяжкой хваробы памёр народны мастак Беларусі, лаўрэат Дзяржаўнай прэміі Беларусі ЛЕАНІД ДЗМІТРЫЕВІЧ ШЧАМЯЛЁЎ. БЕЛАРУСКІ САЮЗ МАСТАКОЎ, СЯБРЫ І КАЛЕГІ, УСЯ ТВОРЧАЯ СУПОЛЬНАСЦЬ ШЧЫРА ПАДЗЯЛЯЕ ГОРА, ЯКОЕ НАПАТКАЛА СЯМ’Ю МАСТАКА, І ПРЫНОСІЦЬ САМЫЯ ГЛЫБОКІЯ СПАЧУВАННІ ЯГО РОДНЫМ, СЯБРАМ І БЛІЗКІМ. Пра час і месца развітання з Леанідам

БОЛЬШ ПАДРАБЯЗНА »

Віншуем з юбілеем Валянціну Сідараву!

Віншуем з юбілеем вядомага беларускага мастака-графіка  Валянціну Сцяпанаўну Сідараву, сябру Беларускага саюза мастакоў, секцыі графікі, дацэнта Беларускай дзяржаўнай акадэміі мастацтваў, кафедры графікі. Валянціна Сідарава шмат гадоў займаецца графікай – кніжнай і станковай. Многія з аформленых ёю выданняў увайшлі ў “залаты фонд” беларускай кніжнай графікі. Апошнім часам у кола яе інтерэсаў увайшлі таксама жывапіс і фатаграфія.

БОЛЬШ ПАДРАБЯЗНА »

СПАЧУВАЕМ! НА 78-М ГОДДЗЕ ЖЫЦЦЯ ПАМЁР УЛАСАЎ ІГАР УЛАДЗІМІРАВІЧ

  2 сакавіка 2021 года на 78-м годзе жыцця пасля працяглай хваробы памёр жывапісец, сябра секцыі жывапісу Беларускага саюза мастакоў УЛАСАЎ ІГАР УЛАДЗІМІРАВІЧ.    БЕЛАРУСКІ САЮЗ МАСТАКОЎ, СЯБРЫ І КАЛЕГІ, УСЯ ТВОРЧАЯ СУПОЛЬНАСЦЬ ШЧЫРА ПАДЗЯЛЯЕ ГОРА, ЯКОЕ НАПАТКАЛА СЯМ’Ю МАСТАКА, І ПРЫНОСІЦЬ САМЫЯ ГЛЫБОКІЯ СПАЧУВАННІ ЯГО РОДНЫМ, СЯБРАМ І БЛІЗКІМ.      Развітанне і пахаванне Уласава Ігара

БОЛЬШ ПАДРАБЯЗНА »

Светлай памяці мастака Уладзіміра Лісавенкі

На 62-м годзе жыцця 9 студзеня 2021 года пасля цяжкой хваробы памёр УЛАДЗІМІР ІВАНАВІЧ ЛІСАВЕНКА, выдатны беларускі творца, аўтар яркіх эксперыментальных габеленаў, сябра Беларускага саюза мастакоў, секцыі мастацкага тэкстылю, і Беларускага саюза дызайнераў. БЕЛАРУСКІ САЮЗ МАСТАКОЎ, СЯБРЫ І КАЛЕГІ, УСЯ ТВОРЧАЯ СУПОЛЬНАСЦЬ ШЧЫРА ПАДЗЯЛЯЕ ГОРА, ЯКОЕ НАПАТКАЛА СЯМ’Ю МАСТАКА, І ПРЫНОСІЦЬ САМЫЯ ГЛЫБОКІЯ СПАЧУВАННІ ЯГО

БОЛЬШ ПАДРАБЯЗНА »