27 сакавіка ў мастацкай галерэі “Універсітэт культуры” адбылося ўрачыстае адкрыццё выставачнага праекта “Віцебскі мастак”.
У экспазіцыю ўвайшлі працы аўтараў розных пакаленняў віцебскай школы. Усе работы на выставе прадстаўлены ў розных жанрах, сюжэтах і тэхніках, кожны аўтар прадэманстраваў сваё майстэрства з дапамогай жывапісу і скульптуры.
З прывітальным словам да прысутных звярнуліся дырэктар мастацкай галерэі “Універсітэт культуры” Татарэвіч Марына; дырэктар Віцебскага абласнога краязнаўчага музея Старынская Таццяна; першы намеснік старшыні Беларускага саюза мастакоў, мастацтвазнаўца Шаранговіч Наталля; адзін з мастакоў, якія прынялі ўдзел у выставе Пракапцоў Уладзімір; загадчык кафедры дэкаратыўна-прыкладнога мастацтва, доктар мастацтвазнаўства Шаўра Рыгор і іншыя.
Арганізатарамі выставы “Віцебскі мастак” выступілі Віцебская абласная арганізацыя Беларускага саюза мастакоў і мастацкая галерэя “Універсітэт культуры”
Віцеская абласная арганізацыя БСМ прадстаўлена работамі аўтараў розных пакаленняў. У арганізатараў не было задачы вытрымаць адзінства тэмы, таму працы адрозніваюцца па сюжэтах і жанрах. Але прэзентаваных мастакоў аб’ядноўвае галоўнае – прыналежнасць да віцебскай мастацкай школы.
У экспазіцыю ўвайшлі работы рэалістычнага і абстрактнага жывапісу, графікі і скульптуры. Многія творы вядомыя дзякуючы аўтарскаму стылю, які склаўся, як напрыклад, работы Алега Скавародкі, Валянціны Ляховіч, Аляксандра Слепава, Мікалая Дундзіна, Сяргея Сотнікава.
Выстава “Віцебскі мастак” прадоўжыцца з 27 сакавіка па 20 красавіка.
