ВІНШУЕМ!
Лілію Яўгеньеўну НІШЧЫК з юбілеем!
Лілія Нішчык — скульптар, жывапісец, кераміст, сябра Беларускага саюза мастакоў і Беларускага саюза дызайнераў. Зладзіла больш за 20 персанальных праектаў у Беларусі і за мяжой, а таксама з’яўляецца лаўрэатам нацыянальных конкурсаў і праектаў.
Творы Ліліі знаходзяцца ў калекцыях многіх музеяў Беларусі, у Пасольствах РБ у Францыі, Германіі, у прыватных калекцыях Беларусі, Расіі, Польшчы, Германіі, Аўстрыі, ЗША, Францыі, Кітая.
Яе творчае крэда шматгранна і разнастайна: скульптура; керамічныя арт-аб’екты; жывапіс – нацюрморт, партрэт, пейзаж, сюжэтныя і алегарычныя палотны. У сваіх творах яна закранае розныя аспекты быцця. Яна ўспрымае свет ярка і стваральна, свае эмацыйныя адчуванні дапаўняе філасофскімі разважаннямі і інтэлектуальнымі пасыламі. У жывапісе Лілія Нішчык – таксама эксперыментатар.
