У выдавецтве “Беларусь” у серыі “Палац мастацтва” выдадзены шыкоўны альбом, прысвечаны творчасці народнага мастака Беларусі, лаўрэата Дзяржаўнай прэміі Рэспублікі Беларусь, лаўрэата І Нацыянальнай прэміі ў галіне выяўленчага мастацтва ў намінацыі “жывапіс” Уладзіміра Антонавіча Тоўсціка.
Укладальнік і аўтар уступнага артыкула – загадчык аддзела сучаснага беларускага мастацтва Нацыянальнага мастацкага музея Рэспублікі Беларусь Кацярына Ізафатава.
Заснавальнік серыі, мастацкае аздабленне – дырэктар Рэспубліканскай мастацкай галерэі “Палац мастацтва” Уладзімір Зінкевіч.
Выданне можна набыць у рэспубліканскіх кнігарнях.
