Выданне ажыццёўлена ў выдавецтве «Беларусь», у серыі «Палац мастацтва», і прымеркавана да 70-годдзя Мікалая Пятровіча Кузьміча, заслужанага дзеяча мастацтваў Беларусі, кавалера ордэнаў Францыска Скарыны, Рускай праваслаўнай царквы ў імя Святога роўнаапостальнага вялікага князя Уладзіміра і Крыжа Святой Еўфрасінні Полацкай, старшыні Брэсцкага аддзялення Беларускага саюза мастакоў.
Альбом прэзентуе ўнікальныя сакральныя Мікалая Кузьміча ў тэхніцы старажытнавізантыйскай эмалі, а таксама яго выставачныя эмалевыя дэкаратыўныя кампазіцыі і ювелірныя вырабы.
Укладальнік і аўтар уступнага артыкула — мастацтвазнаўца, першы намеснік старшыні Беларускага саюза мастакоў Наталля Шаранговіч.
Мастацкае аздабленне — мастак выдавецтва «Беларусь» Алена Бужынская.
Заснавальнік серыі — дырэктар Рэспубліканскай мастацкай галерэі «Палац мастацтва» Уладзімір Зінкевіч.
Выданне можна набыць у рэспубліканскіх кнігарнях.
