ВІНШУЕМ З 90-ГОДДЗЕМ! ХАЙРУЛІНА ЯКУНА ІСМАІЛАВІЧА

21 мая 2021 года спаўняецца 90 гадоў Якуну Ісмаілавічу Хайруліну, вядомаму беларускаму мастаку-плакатысту, сябру секцыі графічнага дызайна Беларускага саюза мастакоў. Шматгранная творчасць мастака Якуна Хайруліна – злабадзённыя плакаты, афармленне спектакляў, работы ў жывапісе – такі велізарны дыяпазон мастака. Ён актыўна адгукаецца ў сваёй творчасці на найбольш важныя падзеі ў краіне. Нарадзіўся ў горадзе Самаркандзе, Узбекістан. У 1954-1957 гадах служыў у шэрагах Савецкай Арміі. У 1960 годзе скончыў Ташкенцкую мастацкую вучэльню імя П.Бенькова. З 1959 года працаваў галоўным мастаком у Ташкенцкім драматычным тэатры, Акружным Доме афіцэраў. Першы спектакль – Дыпломная работа “Узнятая цаліна”, а таксама спектаклі “Акіян”, “Іркуцкая гісторыя” і іншыя. З 1966 года жыве ў г.Мінску. Удзельнік мастацкіх выстаў з 1966 года. Сябра Беларускага саюза мастакоў з 1988 года. Шматразовы лаўрэят міжнародных, усесаюзных і рэспубліканскіх конкурсаў плаката з 1977 года. Узнагароджаны дыпломамі, прызамі за плакаты: 1972 год – «50 год СССР» 1982 год – «60 год СССР» 1988 год – «Чэ Гевара» (г. Гавана, Куба) 1988 год – «СНІД» 1989 год – «Што пакінем нашчадкам» (г. Кіеў) 1990 год – «Сумленне аб Сахараве» (г. Ленінград) 1992 год – «Уваходзячы ў XXI век» (г. Масква) 1994 год – «50 год освобождения Беларуси» Плакаты экспанаваліся на выставах у Чэхаславакіі, Польшчы, Мексіцы, Германіі, Францыі, Італіі і ў гг. Маскве, Ленінградзе, Кіеве. У 1987-1991 гадах праектаваў афармленне плошчы імя Леніна ў г. Мінску да 70-годдзя СССР і да наступныхсвяточных датаў краіны. У 2001 годзе стаў лаўрэятам Рэспубликанскага конкурса «Плакаты» -1-ая прэмія за плакат «Мой амулет»; у 2002 годзе атрымаў Першую прэмію за плакат «Асцярожна! СНІД».Плакаты, закупленыя Міністэрствам культуры Рэспублікі Беларусі: «60 год СССР», «Уваходзячы ў XXI век».