ВІНШУЕМ З 90-ГОДДЗЕМ МАЮ МІХАЙЛАЎНУ ЯНІЦКУЮ

ВІНШУЕМ З 90-ГОДДЗЕМ!

22 мая 2021 года споўнілася 90 гадоў выдатнаму даследчыку беларускага мастацтва і беларускай культуры МАЕ МІХАЙЛАЎНЕ ЯНІЦКАЙ.

Мая Яніцкая нарадзілася 22.051931 г. у фальварку Валентынава на Лагойшчыне.

Закончыла Усесаюзны інстытут савецкага гандлю па спецыяльнасці эканоміка (1950 – 1955) і аспірантуру Інстытута мастацтвазнаўства, этнаграфіі і фальклору Акадэміі навук Беларусі (1966 – 1970) . Кандыдат мастацтвазнаўства (1974).

З 1969 г. працавала ў газеце “Звязда” і інш. газетах і часопісах Беларусі; у 1971 – 1974 – у Інстытуце мастацтвазнаўства, этнаграфіі і фальклору АН Беларусі, у 1974 – 1977 – у выдавецтве “Беларуская савецкая энцыклапедыя”, у 1977 – 1991 – у Музеі старажытнабеларускай культуры Нацыянальнай акадэміі навук Беларусі, у 1991 – 2008 – у Цэнтры даследавання беларускай культуры імя Францыска Скарыны.

Мая Міхайлаўна была сярод першых супрацоўнікаў- стваральнікаў Музея старажытнабеларускай культуры, разам з Вольгай Васільеўнай Церашчатавай, першай загадчыцай гэтага музея, якой у гэтым годдзе так сама было б 90 годаў, і іншымі энтузіастамі-даследчыкамі, Мая Міхайлаўна Яніцкая аб’ехала ў экспедыцыйных вандроўках усю Беларусь, ратуючы ад знішчэння унікальныя скарбы старажытнабеларускага мастацтва.

З 1975 г. яна сябра Саюза мастакў Беларусі, сябра мастацкайсуполкі “Пагоня” з першых дзён стварэння гэтага творчага аб’яднання Беларуускага саюза мастакоў, укладальнік шэрагу каталогаў выставак суполкі “Пагоня (1996, 2000).

Усю сваю навуковую дзейнасць і творчы запал яна прысвяціла даследаванню, зберажэнню і і папулярызацыі беларускую культуру, старажытнабеларускага і сучаснага выяўленчага і дэкаратыўна-прыкладнога мастацтва. Яна з’яўляецца адным з аўтараў і рэдактараў “Беларускай савецкай энцыклапедыі “ ў 12 тамах (Мінск, 1969 – 1975)., “Энцыклапедыі літаратуры і мастацтва Беларусі” ў 5 т. (Мінск, 1984 – 1987), “Гісторыі беларускага мастацтва” у 6 т. (Мінск, 1987 – 1994).. Апублікавала каля тысячы артыкулаў па праблемах старажытнабеларускага мастацтва і культуры, беларускага мастацкага шкла, сучаснага мастацтва Беларусі.

Аўтар канцэпцыі і рэдактар мульцімедыйнага выдання “Беларуская культура. Лепшыя старонкі. Іканапіс. Традыцыйны касцюм. Архітэктура. 100 рарытэтаў з музеяў Беларусі” (Мінск, 2000, на рускай і англійскай мовах). Удзельнік Другога Міжнароднага кангрэсу беларусістаў, даклад па тэме “Вяртанне страчанай спадчыны” (1995).

Ею былі падрыхтаваны і выдадзены манаграфіі:

“Беларускае мастацкае шкло XVI – XVIIІ стст.” (Мінск, !977);

“Вытокі шклоробства Беларусі” (Мінск, 1977);

“Беларускае мастацкае шкло. ХІХ – пачатак ХХ ст.” (Мінск, 1984), “Гісторыя шкляной вясёлкі” (Мінск, 1986); «Художественное стекло Советской Белоруссии», «Фёдар Зільберт” (Мінск, 1981), Людміла Мягкова” (Мінск, 1984). Яна ўкладальнік і аўтар тэксту альбома “В граде Слуцке” (Мінск, 2006), прысвечанага славутым слуцім паясам.

Беларускі саюз мастакоў і сябры творчай суполкі “Пагоня” шчыра віншуюць карыфея беларускай мастацтвазнаўчай навукі Маю Міхайлаўну Яніцкую з яе пачэсным юбілеем і жадаюць ёй бадзёрасці, духоўных сілаў і доўгіх гадоў жыцця.

 

Віншуем з юбілеем!

Віншуем з 75-годдзем мастака-графіка, прадстаўніка знакамітай віцебскай школы акварэлі ГЕОРГІЯ ЛЯВОНАВІЧА ТАНКОВІЧА, сябру Віцебскай абласной арганізацыі. Творчасць гэтага сціплага і вельмі дэлікатнага мастака прыцягвае увагу сваёй адметнасцю і, шчырасцю. Георгій Танковіч – прыхільнік акварэльнага жывапісу па вільготнай паперы, на якой яму заўжды ўдаецца перадаць характар і настрой натуры, якую ён адлюстроўвае. У яго творах ёсць нейкая

БОЛЬШ ПАДРАБЯЗНА »

СПАЧУВАЕМ! ПАЙШОЎ З ЖЫЦЦЯ МАСТАК-МАНУМЕНТАЛІСТ ЮРЫЙ БАРЫСАВІЧ БАГУШЭВІЧ

20 снежня 2022 года на 77-годдзе заўчасна пайшоў з жыцця вядомы беларускі мастак-манументаліст ЮРЫЙ БАРЫСАВІЧ БАГУШЭВІЧ, сябра секцыі манументальна-дэкаратыўнага мастацтва Беларускага саюза мастакоў. Беларускі саюз мастакоў выказвае спачуванні родным і блізкім ЮРЫЯ БАРЫСАВІЧА БАГУШЭВІЧА і падзяляе боль ад незаменнай страты для беларускай культуры. УЛАДЗІМІР СЦЯПАН: На здымку – вядомы беларускі мастак-манументаліст Юрый Багушэвіч. Ён адзін

БОЛЬШ ПАДРАБЯЗНА »

2020-2022 ГАДЫ – ПЛЁННАЕ СУПРАЦОЎНІЦТВА МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ і  ГРАМАДСКАГА АБ’ЯДНАННЯ “БЕЛАРУСКІ САЮЗ МАСТАКОЎ”

На XXIV з’ездзе Беларускага саюза мастакоў Міністр культуры Рэспублікі Беларусь А.М.Маркевіч нагадаў моманты плённага супрацоўніцтва паміж Міністэрствам культуры Рэспублікі Беларусь і грамадскім аб’яднаннем “Беларускі саюз мастакоў”. Нагадаем найбольш значныя пункты: Былі прыняты новыя расцэнкі  на набыццё твораў выяўленчага мастацтва музейнымі ўстановамі Беларусі. Шттогод у мастакоў – сяброў ГА “БСМ” – набываюцца творы жывапісу, графікі, скульптуры,

БОЛЬШ ПАДРАБЯЗНА »

ВІНШУЕМ З 90-ГОДДЗЕМ ЯКУНА ІСМАІЛАВІЧА ХАЙРУЛІНА!

ВІНШУЕМ З 90-ГОДДЗЕМ!ХАЙРУЛІНА ЯКУНА ІСМАІЛАВІЧА, вядомага беларускага мастака-плакатыста, сябру секцыі графічнага дызайна Беларускага саюза мастакоў, якому 21 мая 2022 года спаўняецца 90 гадоў! Шматгранная творчасць мастака Якуна Хайруліна – злабадзённыя плакаты, афармленне спектакляў, работы ў жывапісе – такі велізарны дыяпазон мастака. Ён актыўна адгукаецца ў сваёй творчасці на найбольш важныя падзеі ў краіне. Нарадзіўся ў

БОЛЬШ ПАДРАБЯЗНА »