Віншуем з юбілеем Валянціну Сідараву!

Віншуем з юбілеем вядомага беларускага мастака-графіка  Валянціну Сцяпанаўну Сідараву, сябру Беларускага саюза мастакоў, секцыі графікі, дацэнта Беларускай дзяржаўнай акадэміі мастацтваў, кафедры графікі.
Валянціна Сідарава шмат гадоў займаецца графікай – кніжнай і станковай. Многія з аформленых ёю выданняў увайшлі ў “залаты фонд” беларускай кніжнай графікі.
Апошнім часам у кола яе інтерэсаў увайшлі таксама жывапіс і фатаграфія. Яе цікавіць алегорыя, формула-знак, складаная сістэма штрыхоў, плямаў, фактурна-прасторавая структура, кампазіцыйнай напружанасці рытмаў.

Мастацтвазнаўца, рэктар Беларускай дзяржаўнай акадэміі мастацтваў Міхаіл Баразна назваў Валянціну Сідараву “майстрам мастацкай ілюстрацыі, якая, як і ўсе сучасныя мастакі, цікавіцца фотамастацтвам, каб пашырыць свой творчы дыяпазон”.

Мастацтвазнаўца Кацярына Кенігсберг лічыць фатаграфіі Валянціны Сідаравай “бездакорнымі і графічнымі па кампазіцыі”. “Гэта вынік прафесійнай адукацыі і шматгадовага вопыту. Заняткі фотамастацтвам аказаліся для яе настолькі паспяховымі, што ў акадэмічны падручнік па фотакампазіцыі, выдадзены некалькі гадоў таму назад, была ўключана работа Сідаравай”, – падкрэслівае мастацтвазнаўца.

Серыя работ Валяніны Сідаравай з цыкла “Свет у майстэрні” захоўваецца сёння ў Музеі сучаснага выяўленчага мастацтва.
Паводле слоў мастацтвазнаўцы Кацярыны Кенігсберг, святло – гэта тое, што бачыць аўтар кожную раніцу, уваходзячы ў майстэрню. “Святло, што льецца з высока размешчаных вокнаў, драбніцца на гранях крыштальнага флакона, адбіваецца ў люстэрках, стварае мудрагелістыя цені і робіць непазнавальнымі абрысы знаёмых прадметаў… Гэта светлапіс ў літаральным сэнсе гэтага слова. Тут няма апрацоўкі ў модным сёння “фоташопе”, тут усё па-сапраўднаму – фотаапарат, аўтар і яго твор. Арганічныя, натуральныя творы народжаны творчай свабодай мастачкі, якую не пакідае пачуццё здзіўлення і захаплення ад непаўторнасці навакольнага свету ва ўсіх яго праявах”, адзначае Кацярына Кенігсберг.

КАРОТКАЯ БІЯГРАФІЯ
Нарадзілася ў 1956г. у Мінску.
Мастак, педагог.
З 1993 г. сябра Беларускага саюза мастакоў.
У 1981 г. скончыла Беларускі дзяржаўны тэатральна-мастацкі інстытут па спецыяльнасці “графіка”
Навуковыя інтарэсы: станковая графіка; кніжная графіка; фатаграфія.
З 1999 г. працуе ў Беларускай дзяржаўная акадэмія мастацтваў, дацэнт кафедры графікі.
Узнагароды: прэмія Федэрацыі прафсаюзаў Беларусі (2003 г.); Ганаровая грамата Міністэрства культуры Рэспублікі Беларусь (2010).

ВІНШУЕМ!

Віншуем Занковіча Валянціна Паўлавіча, сябру секцыі скульптуры Беларускага саюза мастакоў, аднаго з аўтараў хатынскага мемарыяла, з атрыманнем ганаровага звання “Заслужаны дзеяч мастацтваў Рэспублікі Беларусь”.

БОЛЬШ ПАДРАБЯЗНА »

3 ЛЮТАГА 2023- адзначаем 100-годдзе народнага мастака Беларусі Леаніда Шчамялёва

Леанід Шчамялёў – фігура для нашай краіны знакавая. Франтавік, народны мастак Беларусі, ён стаў легендай яшчэ пры жыцці. А жыццё, у тым ліку творчае, выдалася доўгім і плённым. Выбітны майстар сышоў ад нас два гады таму, ледзь не дажыўшы да 98 гадоў і да апошніх дзён пагружаны ў працу. І выставу ў гонар свайго 100‑годдзя

БОЛЬШ ПАДРАБЯЗНА »

СПАЧУВАЕМ!

СЯБРЫ! СУМНАЯ НАВІНА! 18 снежня 2023 года пайшоў з жыцця вядомы беларускі графік і жывапісец, сябра Віцебскага аддзялення Беларускага саюза мастакоў ВАЛЬНОЎ УЛАДЗІМІР МІКАЛАЕВІЧ. Беларускі саюз мастакоў выказвае шчырае спачуванне родным і блізкім мастака. Развітанне з Уладзімірам Мікалаевічам Вальновым адбудзецца 20 снежня 2023 года з 10.00 да 12.00 у малой зале Абласной бальніцы г.Віцебска. Вальноў

БОЛЬШ ПАДРАБЯЗНА »

ГАЛЕРЭЯ БЕЛАРТ: ВЫСТАВА ЖЫВАПІСУ ЮЛІІ МАЦУРЫ “СТРУНЫ ЦІШЫНІ”. 9.02-23.02.2023

Выстава жывапісу Юліі Мацура “Струны цішыні”Мастацкая галерэя Беларт запрашае Вас на адкрыццё выставы жывапісу Юліі Мацура “Струны цішыні”. Юлія Мацура нарадзілася 27 лютага 1984 года ў Мінску. У 2002 годзе скончыла Мінскі каледж мастацтваў. З 2002 года актыўна ўдзельнічае ў рэспубліканскіх і міжнародных выставах. У 2008 годзе скончыла Беларускую дзяржаўную акадэмію мастацтваў, кафедру графікі. 2008

БОЛЬШ ПАДРАБЯЗНА »