Віншуем з юбілеем!

Віншуем з 75-годдзем мастака-графіка, прадстаўніка знакамітай віцебскай школы акварэлі ГЕОРГІЯ ЛЯВОНАВІЧА ТАНКОВІЧА, сябру Віцебскай абласной арганізацыі.

Творчасць гэтага сціплага і вельмі дэлікатнага мастака прыцягвае увагу сваёй адметнасцю і, шчырасцю. Георгій Танковіч – прыхільнік акварэльнага жывапісу па вільготнай паперы, на якой яму заўжды ўдаецца перадаць характар і настрой натуры, якую ён адлюстроўвае. У яго творах ёсць нейкая рамантычная узнёсласць, адчуванне лёгкага суму і , адначасова, кранаючае душу святло. Акварэлі мастака вылучаюцца стрыманасцю колераў і кампазіцыйных рытмаў, абагульнёнай пластыкай форм, заўжды крыху загадкавай танальнасцю вобразаў. Георгій Танковіч сапраўдны майстар пейзажу, але не меншую ўвагу мастак надае партрэту і нацюрморту, у якіх яго аўтарская манера заўжды пазнавальная.

КАРОТКАЯ БІЯГРАФІЯ

Нарадзіўся 15 студзеня 1946 годаў вёсцы Ярашова Шумілінскага раёна Віцебскай вобласці.1969 – скончыў мастацка-графічны факультэт Віцебскага дзяржаўнага педагагічнага інстытута імя С. М. Кірава. Вучыўся ў І. Сталярова, Ф. Гумена, Л.Анцімонава.Да прызыва ў армію працаваў настаўнікам СШ № 13 г. Полацка.З 1969 года – удзельнік мастацкіх выстаў.1971 года – працаваў у групе прамысловай эстэтыкі на шынкамбінаце.1979 – працаваў у Наваполацкім філіяле Віцебскіх мастацкіх майстэрняў.1991 – сябра Беларускага саюза мастакоў.Удзельнічаў у дзейнасці і выставачных праектах творчых аб’яднанняў “Віцебская акварэль” і “Жалезны воўк”. Адзін з кіраўнікоў наваполацкага клуба аматараў мастацтва “АРТ-ПАРК”.Аўтар жывапісных палотнаў і манументальных вітражоў у розных дзяржаўных і грамадскіх будынках Беларусі і замежжа.Творы мастака знаходзяцца ў Нацыянальным мастацкім музеі Рэспублікі Беларусь, Віцебскім абласным краязнаўчым музеі, Бабруйскім краязнаўчым музеі, музеі гісторыі і культуры г. Наваполацка, прыватных калекцыях у Алжыры, Англіі, Германіі, Польшчы, Галандыі, Ізраілі, Італіі, Кітае, Расіі і Беларусі.Жыве ў Наваполацку. Працуе пераважна ў акварэлі.

ЗАПРАШАЕМ НА АДКРЫЦЦЁ: ЛЕАНІД ШЧАМЯЛЁЎ. ПРЫСВЯЧЭННЕ…

СЯБРЫ! ЗАПРАШАЕМ! 23 лютага 2023 года ў 18.00 у Палац мастацтва на адкрыццё рэспубліканскай выставы жывапісу “ЛЕАНІД ШЧАМЯЛЁЎ. ПРЫСВЯЧЭННЕ…” Выстава жывапісу, у якой удзельнічаюць мастакі з усіх рэгіёнаў Беларусі, прысвечана 100-годдзю народнага мастака Беларусі, лаўрэата Дзяржаўнай прэміі Рэспублікі Беларусь, ветэрана Вялікай Айчыннай вайны Леаніда Шчамялёва (1923-2021). Нагадаем, што Леанід Дзмітрыевіч быў першым сакратаром праўлення Саюза

БОЛЬШ ПАДРАБЯЗНА »

2020-2022 ГАДЫ – ПЛЁННАЕ СУПРАЦОЎНІЦТВА МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ і  ГРАМАДСКАГА АБ’ЯДНАННЯ “БЕЛАРУСКІ САЮЗ МАСТАКОЎ”

На XXIV з’ездзе Беларускага саюза мастакоў Міністр культуры Рэспублікі Беларусь А.М.Маркевіч нагадаў моманты плённага супрацоўніцтва паміж Міністэрствам культуры Рэспублікі Беларусь і грамадскім аб’яднаннем “Беларускі саюз мастакоў”. Нагадаем найбольш значныя пункты: Былі прыняты новыя расцэнкі  на набыццё твораў выяўленчага мастацтва музейнымі ўстановамі Беларусі. Шттогод у мастакоў – сяброў ГА “БСМ” – набываюцца творы жывапісу, графікі, скульптуры,

БОЛЬШ ПАДРАБЯЗНА »

АНАТОЛЬ МАРКЕВІЧ: ЗАДАЧЫ САЮЗА НА БЛІЖЭЙШЫЯ ТРЫ ГАДЫ

  15 снежня ў Мінску прайшоў XXVI з’езд Беларускага саюза мастакоў. Перад дэлегатамі выступіў Міністр культуры Беларусі Анатоль Маркевіч. Гаворачы аб задачах саюза на наступныя тры гады, Міністр назваў важнейшыя сярод іх: стварэнне твораў мастацтва патрыятычнай тэматыкі, правядзенне выставак і пленэраў, прысвечаных важным падзеям у жыцці Беларусі, праца з творчай моладдзю.

БОЛЬШ ПАДРАБЯЗНА »

ВЯЛІКАЯ СТРАТА ДЛЯ НАЦЫЯНАЛЬНАГА МАСТАЦТВА!

На 98-м годзе жыцця 14 студзеня 2021 года пасля цяжкой хваробы памёр народны мастак Беларусі, лаўрэат Дзяржаўнай прэміі Беларусі ЛЕАНІД ДЗМІТРЫЕВІЧ ШЧАМЯЛЁЎ. БЕЛАРУСКІ САЮЗ МАСТАКОЎ, СЯБРЫ І КАЛЕГІ, УСЯ ТВОРЧАЯ СУПОЛЬНАСЦЬ ШЧЫРА ПАДЗЯЛЯЕ ГОРА, ЯКОЕ НАПАТКАЛА СЯМ’Ю МАСТАКА, І ПРЫНОСІЦЬ САМЫЯ ГЛЫБОКІЯ СПАЧУВАННІ ЯГО РОДНЫМ, СЯБРАМ І БЛІЗКІМ. Пра час і месца развітання з Леанідам

БОЛЬШ ПАДРАБЯЗНА »