3 кастрычніка ў 17.00 у выставачнай зале ГА “БСМ” ім. А.А. Бембеля (вул. Я. Коласа, 29А) адбудзецца адкрыццё выставы “Нараджэнне”. На выставе будуць прадстаўлены скульптурныя і графічныя работы Дзяніса Кандрацьева.
Дзяніс Кандрацьеў, мастак-скульптар, выкладчык, член Беларускага саюза мастакоў, удзельнік гарадскіх, рэспубліканскіх і персанальных выставак, прадставіць ключавыя творы, якія характарызуюць пэўны творчы перыяд аўтара. Выстаўка прысвечана асэнсаванню нараджэння твора мастацтва, яго росту, развіцця разам з аўтарам.
Выявы – пластычна шматпланавыя, адлюстроўваюць разважанні аўтара над біблейскімі матывамі: гісторыя грэхападзення – “Адам і Ева”. Закранаюць грэчаскую міфалогію – “Харон”. З’яўляюцца вобразнае ўвасабленне жыццёвага шляху чалавека ў трыпціху “Дрэва жыцця”. “Мроі” – сон Іосіфа, персанажа адной з самай маштабнай і падрабязнай гісторыі з кнігі Быцця. Аб’ядноўвае прадстаўленае пластычнае апавяданне выява ствараючага светы творцы ў скульптурнай кампазіцыі «Гук».
