Дарагія сябры!

Адлічваюцца апошнія дні такога складанага і трывожнага 2020 года.

Нас нечакана і моцна раз’яднала эпідэмія каронавірусу, прымушаючы жыць у рэжыме самаізаляцыі, хавацца ад хваробы ў кватэрах і майстэрнях, выконваць нязвыклыя для нас прафілактычныя меры. Мы панеслі балючыя страты, некаторых сяброў, на жаль, з намі ўжо няма.

У гэты няпросты час не ўсе праекты нам удалося здзейсніць, узніклі праблемы, якія закранаюць і фінансава-гаспадарчую сферу нашага саюза.

У той жа час гэты год паказаў, што наша мастакоўская супольнасць, як і ўсё наша грамадства, здольна аб’яднацца, і разам, адным гуртам адказваць на шматлікія выклікі сённяшняга часу.

Буйныя выставы ў Палацы мастацтва — “І Трыенале жывапісу, графікі і скульптры”, “Арт-Мінск”, “Графіка года” — вызначылі, што хвалюе сёння беларускіх творцаў.

Замілаванасць Бацькаўшчынай, павага да суайчыннікаў, філасофскае асэнсаванне жыцця, лёгкая іронія, добразычлівы гумар, цёплы настрой, сум і балючае адчуванне рэчаіснасці іншага кшалту — ковіднай, з боллю ў вачах… Усё гэта моцным камертонам гучыць у творах нашых мастакоў.

Сёння, напярэдадні Новага года і Калядаў, хачу пажадаць усім нам і нашым блізкім, усёй творчай супольнасці краіны здароўя і шчасця, радасці і аптымізму, творчасці без межаў.

Няхай наступаючы год стане для нас годам здзяйснення планаў, прынясе поспех ва ўсіх справах і пачынаннях, стабільнасць і дабрабыт!

Віншуем з юбілеем!

Віншуем з юбілеем!

Віншуем з 75-годдзем мастака-графіка, прадстаўніка знакамітай віцебскай школы акварэлі ГЕОРГІЯ ЛЯВОНАВІЧА ТАНКОВІЧА, сябру Віцебскай абласной

Падрабязней »