30 студзеня ў галерэі «Ракурс» Нацыянальнай бібліятэкі Беларусі адбудзецца адкрыццё праекта віцебскіх мастакоў у рамках рэспубліканскай выставы «1,10 квадрата», прымеркаванай да 110-годдзя «Чорнага квадрата» Казіміра Малевіча.
Праект прысвечаны юбілею фундаментальнага сімвала новага мастацтва XX стагоддзя, модулю новай пластычнай сістэмы, галоўнаму твору мінулага стагоддзя, эталоннаму формаў-элементу супрэматызму – “Чорнаму квадрату” Казіміра Малевіча, які стаў пунктам адліку сістэмы каардынат сусветнага мастацтва.
«1,10 квадрата» – сучаснае Віцебскае чытанне прапанаванай Казімірам Малевічам новай мастацкай сістэмы. Сённяшняе амплуа супрэматызму і абстрактныя прысвячэнні юбіляру здзівяць наведвальнікаў рашэннямі, вынаходствамі і інтэрпрэтацыямі.
«Мастакі, якія зараз жывуць у Віцебску і лічаць сябе спадкаемцамі тэорыі Малевіча, спрабуюць шукаць нешта новае. У Віцебску пастаянна адбываецца шмат розных выставаў і праектаў. На выставе ў біьліятэцы прадстаўлены вельмі розныя аўтары, але кожны з іх, з аднаго боку, насычае мастацтва эмацыянальнасцю, а з другога — філасофіяй. А ў цэлым мастацтва XX і XXI ст. пасля Малевіча адрозніваецца тым, што мы імкнемся прачытваць у ім утоеныя сэнсы», — падкрэсліла першы намеснік старшыні Беларускага саюза мастакоў Наталля Шаранговіч.
Выстава арганізавана сумесна з Нацыянальнай бібліятэкай Беларусі і будзе працаваць да 1 красавіка 2024 г.
