СЯБРЫ!
СПАЧУВАЕМ!
25 жніўня 2023 года на 61 годзе пайшла з жыцця вядомы беларускі мастак, сябра секцыі мастацкага тэкстылю Беларускага саюза мастакоў ГАЛІНА ПЯТРОЎНА КРЫВАБЛОЦКАЯ.
Беларускі саюз мастакоў выказвае глыбокае спачуванне родным і блізкім мастака.
Галіна Крываблоцкая скончыла Беларускі тэатральна-мастацкі інстытут (1976). Вучылася ў П. Масленікава, А. Бараноўскага, М. Раманюка. З 1976 года працавала на Барысаўскім камбінаце прыкладнога мастацтва, з 1993 года — выкладчык Беларускага каледжа мастацтваў. Працавала ў галіне дэкаратыўна-прыкладнога мастацтва. Удзельнік мастацкіх выставак з 1976 года. Член Беларускага саюза мастакоў (1985). Працы Галіны Крываблоцкай знаходзяцца ў Нацыянальным мастацкім музеі Беларусі, Літаратурным музеі Я.Купалы (Мінск), Музеі беларускай культуры ў г. Гайнаўка (Польшча), Палацы культуры г. Бердзічаў (Украіна), у прыватных калекцыях ЗША, Германіі.