З 14 снежня па 29 снежня 2022 года ў Рэспубліканскай мастацкай галерэі «Палац мастацтва» працуе выстава па выніках сімпозіума «Калі сляза скацілася на попел».
Тэма сімпозіума — трагедыя насельніцтва на акупіраванай тэрыторыі Беларусі ў гады Вялікай Айчыннай вайны, адкрывае маштаб трагедыі беларускага народа.
Мэта сімпозіума ў тым, каб яшчэ раз нагадаць аб трагічным гістарычным мінулым беларусаў, прыцягнуць увагу грамадскасці да неапраўданых страт і гора, звязаных з вайной і выказаць памяць продкам.
Мастацкае унітарнае прадпрыемства «МАСТАЦКІ КАМБІНАТ» грамадскага аб’яднання «БЕЛАРУСКІ САЮЗ МАСТАКОЎ» выступае ў ролі арганізатара сімпозіўма.
Удзельнікі сімпозіума — беларускія мастакі, члены ГА «Беларускі саюз мастакоў»: Алена Андрушчанка, Андрэй Басалыга, Ігар Гардзіёнак, Юрый Крупянкоў, Вольга Крупянкова, Вольга Нікішына, Андрэй Пяткевіч, Таццяна Сіплевіч, Юлія Шаціла, Усевалад Швайба. Кожны з іх на працягу 1,5 месяца стварае 2 графічныя работы, у якіх новымі выразнымі сродкамі расказвае пра тэму болю, пакуты беларускага народа падчас Вялікай Айчыннай вайны.
