12 студзеня ў Новай Траццякоўцы ўрачыста адкрываецца выстава да 100-годдзя ўтварэння СССР.
Экспазіцыя змяшчае каля 400 станковых твораў жывапісу, скульптуры і графікі з фондаў Саюза мастакоў Расіі і Беларускага саюза мастакоў, а таксама з прыватных калекцый і студый сучасных аўтараў.
Спецыяльны раздзел выставы прысвечаны рэтраспекцыі. У яе кантэксце ўпершыню за больш чым паўвекавы перыяд будуць паказаны ўнікальныя творы з запаснікаў СМ Расіі, якія раней не былі прадстаўлены шырокаму колу гледачоў. Гэта жывапісныя палотны легендарных мастакоў савецкай эпохі Ігара Грабара, Самуіла Адліванкіна, Аляксандра Дэйнекі, Аляксандра Самахвалава, братоў Ткачовых, скульптуры Мацвея Манізера, Льва Кербеля, Аляксея Сотнікава, Віктара Думаняна. У графічным раздзеле можна ўбачыць працы «Кукрыніксаў», а таксама Анатоля Какорына, Аляксея Пахомава, Дзмітрыя Мітрохіна, Мікіты Чарушына, Апанаса Мунхалава.
100-годдзе з дня ўтварэння СССР яшчэ раз падкрэсліла неабходнасць зірнуць праз прызму векавога юбілею і на гісторыю саюзаў мастакоў двух краін, прасачыць важнейшыя этапы іх жыцця, вывучыць і даследаваць асноўныя аспекты развіцця. Пра гэта расказвае інфармацыйны кластар выставы.
Выстава адкрыта для наведвання з 30 снежня 2022 па 22 студзеня 2023 г.
Месца правядзення: Масква, Крымскі Вал, 10. Заходняе Крыло Новай Траццякоўкі. 4 паверх
Уваход вольны
