Да 20-годдзя Студыі ваенных мастакоў
18 снежня ў 14.00 у дзяржаўнай культурна-дасугавай установе “Цэнтральны Дом афіцэраў Узброеных Сіл Рэспублікі Беларусь” адкрываецца выстава студыі ваенных мастакоў “Айчыне служым”, якая прысвечана 20-годдзю студыі.
Ужо дваццаць гадоў у Цэнтральным доме афіцэраў дзейнічае Студыя ваенных мастакоў, якая развівае ваенна-гістарычныя і героіка-патрыятычныя тэмы ў выяўленчым мастацтве. Каля вытокаў стварэння студыі стаяў народны мастак СССР і Беларусі Міхаіл Савіцкі, чалавек, які прайшоў Вялікую Айчынную вайну і ў сваіх творах распавядаў пра адну з самых драматычных эпох у гісторыі чалавецтва. Цяпер творчае аб’яднанне ўзначальвае заслужаны дзеяч мастацтваў Беларусі Мікалай Апіёк.
З нагоды 20-годдзя з моманту заснавання студыі ў Цэнтральным Доме афіцэраў адкрыта выстава «Айчыне служым».
З юбілеем ваенных мастакоў павіншаваў першы намеснік начальніка галоўнага ўпраўлення – начальнік упраўлення маральна-псіхалагічнага забеспячэння галоўнага ўпраўлення ідэалагічнай работы Міністэрства абароны палкоўнік Алег Копыл.
У вернісажы прынялі ўдзел курсанты першага курса ваеннага факультэта БДУ і выхаванцы Мінскага сувораўскага ваеннага вучылішча.
