2 лютага 2024 года адбылося ўрачыстае адкрыццё штогадовай міжнароднай выстаўкі “Калегіум”, якая ў 15-ы раз сабрала ў залах Аршанскай гарадской мастацкай галерэі В. А. Грамыку творчыя імкненні мастакоў розных напрамкаў і розных краін.
Жанры і культурныя традыцыі пранікаюць адна ў адну, а мастакі працягваюць шукаць новыя спосабы самавыяўлення і актуальныя тэмы. У гэтым годзе на выставе прадстаўлена больш за 130 работ 82 аўтараў з 11 гарадоў.
Ужо традыцыйна на мерапрыемстве прысутнічалі аўтары экспануемых работ, прадстаўнікі Грамадскага аб’яднання “Беларускі саюз мастакоў”, а таксама Смаленскага рэгіянальнага аддзялення Усерасійскай творчай грамадскай арганізацыі “Саюз мастакоў Расіі”.
Выстава працягнецца да 29 лютага 2024 года ўключна.
Аршанская гарадская мастацкая галерэя В. А. Грамыкі размешчана па адрасе: вул. Уладзіміра Леніна, 6а, 2-гі паверх. Працуе штодзень, акрамя панядзелка, з 10.00 да 18.00. Даведкі па тэлефоне: 8(0216) 56-37-50.
