Дадзены старт другому рэспубліканскаму конкурсу «Viva Kola Art», які ў 2024 годзе пашырае свае гарызонты!
Пасля паспяховага дэбюту ў мінулым годзе арганізатары праекта — Беларускі саюз мастакоў і Веласіпедны клуб «Мінск» — вырашылі зрабіць конкурс яшчэ больш маштабным. Ідэя сінтэзу спорту і мастацтва знайшла водгук у іншых відаў спорту, а таксама ў Нацыянальнага алімпійскага камітэта Рэспублікі Беларусь, якія вырашылі далучыцца да «Viva Kola Art».
«Кола жыцця», «Веласіпед і веласіпедны спорт», «Біятлон», «Гімнастыка», «Гандбол», «Тэніс», «Хакей», «Лыжныя гонкі», «Спартыўны сувенір» — такія тэмы конкурсу сёлета.
Пераможцы будуць вызначаны ў наступных намінацыях: «Гран-пры», «Жывапіс», «Графіка», «Скульптура», «Дэкаратыўна-прыкладное мастацтва», «Арт-аб’ект», «Мастацкая фатаграфія», «Рэпартажная фатаграфія», «Творчы» дэбют», «Дызайн», «Спартыўны сувенір».
Удзельнікамі конкурсу могуць стаць аўтары выяўленчага мастацтва ў любых відах, жанрах і мастацкіх тэхніках.
Заяўкі на ўдзел у рэспубліканскім мастацкім конкурсе «VIVA KOLA ART’2024» прымаюцца на электронны адрас:
vivakolaart@gmail.com
з паметкай «ЗАЯЎКА НА УДЗЕЛ».
Што неабходна ўказаць у заяўцы:
— Прозвішча, імя, імя па бацьку аўтара, дата нараджэння
— Кантакты аўтара: нумар тэлефона, email
— Фатаграфія працы
— Параметры працы: назва, памер, год стварэння, матэрыялы
— Апісанне працы
Тэрмін прыёму заявак у электронным выглядзе: да 27.09.2024 уключна.
Па любых пытаннях звязвацца:
Тэл.: +375 (29) 659-90-89
Тэл.: +375 (29) 584-34-86
Палажэнне рэспубліканскага мастацкага конкурса «VIVA KOLA ART’2024»
https://minskcyclingclub.by/ru/novosti/novosti-kluba/869-viva-kola-art2024-zhdet-vas