СЯБРЫ!
ЗАПРАШАЕМ У ГАЛЕРЭЮ «БЕЛАРТ»
У першы дзень вясны, 1 сакавіка ў 18.00 у мастацкай галерэі БелАрт адбудзецца адкрыццё персанальнай выставы жывапісу Юліі Мацура «Сузіранне».
Экспазіцыя выставы дапамагае гледачам запаволіцца і пачаць вывучаць рэальнасць праз прызму мастацкіх вобразаў. У сённяшнім свеце са звышхуткімі тэмпамі, вельмі каштоўна, што мастак можа дазволіць сабе мець час на сузіранне. Асэнсаванне ж убачанага ў творчых людзей адбываецца праз стварэнне твораў мастацтва.
Прыродныя матывы — гэта тое, што натхняе Юлію Мацуру ў любую пару года. Мастачка тонка прыкмячае графіку галін, метрычныя шэрагі траў, фактуру лісця. Стрыманыя па колеры працы, раскрываюць сваё ўздзеянне праз адмысловую пластычнасць і рытміку кампазіцыі.