Выстава твораў сябры Беларускага саюза мастакоў Анастасіі Балыш “Нашы Святыні” адкрылася ў Прэзідэнцкай бібліятэцы 08 лютага 2024 года.
Мастачка з’яўляецца прыхажанкай Спаса-Праабражэнскага сабору, у якім 110 год таму пачаў служыць свяшчэннапакутнік Парфірый (Рубановіч) — прэсвітар Заслаўскі. Кожнае стагоддзе адкрывае чалавецтву святых – прападобных і праведных. Парфірый Заслаўскі стаў адным з тых, хто прыняў пакуты па вобразу Сына Божага, праславіў імя Божае і тым стаў бессмяротным сам.
Анастасія Балыш ладзіць мастацкія праекты, прысвечаныя святому, экспедыцыю па яго мясцінах, а ў юбілейны год прысвяціла шэраг твораў заслаўскаму прэсвітару. Зараз іх і іншыя творы хрысціянскай тэматыкі можна пабачыць на выставе “Нашы Святыні. Да 110-годдзя пачатку служэння свм. Парфірыя Рубановіча ў Заслаўі”.
