У Рэспубліканскай мастацкай галерэі “Палац мастацтва” 1 лютага 2024 года ў 18.00 адкрываецца выставачны праект керамікі Валерыя Калтыгіна, лаўрэта Нацыянальнай прэміі ў галіне выяўленчага мастацтва 2023 года, і Максіма Калтыгіна “Чатыры чвэрці. Жывёльны свет. Частка ІІ”.
Напэўна, мала хто з мастакоў у сваёй творчасці не сутыкаўся з неабходнасцю так ці інакш адлюстраваць вобраз, выгляд якой-небудь жывельнай істоты, выказацца праз іх форму аб нечым цікавым, прыгожым, сваеасаблівым.
Валерый і Максім Калтыгіны, бацька і сын, зусім не выключэнне і часцяком звяртаюцца ў сваёй керамічнай дзейнасці да выяў расліннага, жывельнага свету: ў той ці іншай форме разважаюць на гэтую тэму.
Мастакі прапануюць гледачу розныя падыходы да пластычных і колерных асаблівасцей керамікі.
У творчасці Валерыя Калтыгіна закладзена імправізацыйная праца, як аснова разумовых працэсаў. Максім жа наадварот, выразна будуе свае кампазіцыі зыходзячы з вобразаў, якія ўжо склаліся ў думках.
