6 красавіка 2023 года на 93 годзе пайшоў з жыцця вядомы мастак-жывапісец, заслужаны дзеяч мастацтваў Рэспублікі Беларусь Леанід Аляксандравіч Дударанка.
Беларускі саюз мастакоў выказвае шчырае спачуванне родным і блізкім мастака.
Леанід Аляксандравіч Дударэнка неаднаразова абіраўся членам Праўлення Беларускага саюза мастакоў, быў старшынёй секцыі жывапісу і членам Рады (1995-1998). Ён з’яўляўся актыўным членам Студыі ваенных мастакоў.
Мастак быў лаўрэатам Спецыяльнай прэміі Прэзідэнта Рэспублікі Беларусь дзеячам культуры і мастацтва 2000 года.
Творчасць Л.А.Дударэнкі атрымала вялікае грамадскае прызнанне. Ён узнагароджаны Ганаровай граматай Нацыянальнага сходу Рэспублікі Беларусь (2005), медалём Францыска Скарыны (2006), нагрудным знакам “За ўклад у развіццё культуры Беларусі” Міністэрства культуры Рэспублікі Беларусь (2010), ордэнам Кірыла Тураўскага І ступені Беларускай Праваслаўнай царквы (2009), ордэнам Францыска Скарыны (2013).
