СЯБРЫ!
ПРАЦЯГВАЕМ СВЯТКАВАЦЬ ЮБІЛЕЙ БЕЛАРУСКАГА САЮЗА МАСТАКОЎ!
Заўтра, 14 снежня, у Нацыянальнай бібліятэцы Беларусі ў 17.00 адкрываецца выстава «Адметныя 85», якая знаёміць з лепшымі дасягненнямі нацыянальнага выяўленчага мастацтва.
Выстава прымеркавана да 85-гадовага юбілею ГА «Беларускі саюз мастакоў» (БСМ). У экспазіцыі – майстры жывапісу, гонар беларускага выяўленчага мастацтва, аўтары «Адметных 85» – І.Ахрэмчык, Я.Зайцаў, У.Сухаверхаў, П.Гаўрыленка, П.Масленікаў, В.Цвірка, Н.Воранаў, У.Стэльмашонак, В.Грамыка, Г.Вашчанка, А.Кішчанка, Г.Паплаўскі, Л.Шчамялёў, У.Тоўсцік і інш.
На выставе экспануюцца таксама і рэдкія дакументы аб дзейнасці найстарэйшай у Беларусі грамадскай творчай арганізацыі, каталогі калектыўных і персанальных выставак, альбомы-каталогі выставак саюза і яго асобных секцый, тэматычныя артыкулы мастацтвазнаўцаў у рэспубліканскіх часопісах, прысвечаныя гісторыі стварэння і дзейнасці саюза.