15 сакавіка 2024 года ў 16.00 у выставачнай зале Віцебскага цэнтра сучаснага мастацтва адкрылась выстава жывапісу двух мастакоў Міхаіла Ляўковіча і Леаніда Мядзведскага «Два позіркі — адзін шлях».
На выставе прадстаўлены жыццярадасныя, святочныя, яркія абстрактныя жывапісныя кампазіцыі, выкананыя прызнаным рэалістам і акварэлістам Міхаілам Ляўковічам на працягу апошніх 4-х гадоў.
Жыццё і творчасць мастака Леаніда Леанідавіча Мядзведскага таксама звязаны з Віцебскам. У экспазіцыі будзе прадстаўлена каля 40 прац, напісаных аўтарам за апошнія 20 гадоў. Партрэты, пейзажы, нацюрморты, у якіх уражанні, эмоцыі і, вядома ж, уласны погляд на навакольны свет.
Таленавітыя мастакі, яркія прадстаўнікі віцебскай школы, трансфармуюць свет з дапамогай ліній і колеру ў абстрактныя, асацыятыўныя палотны.
Выстава будзе працаваць да канца красавіка.