Віншуем ЕЛАТАМЦАВУ ІРЫНУ МІХАЙЛАЎНУ з 95-годдзем!
Нарадзілася ў 1929 годзе ў Ленінградзе. У 1953 годзе скончыла ЛВХПУ (цяпер Санкт-Пецярбургская дзяржаўная мастацка-прамысловая акадэмія імя А.Л. Шцігліца).
Працавала навуковым супрацоўнікам у Інстытуце мастацтвазнаўства, этнаграфіі і фальклору АН БССР, старшым выкладчыкам гісторыі замежнага, рускага і савецкага выяўленчага і дэкаратыўна-прыкладнога мастацтва на кафедры тэорыі і гісторыі мастацтва БДТМІ (цяпер – Беларуская дзяржаўная акадэмія мастацтваў). У цяперашні час – член секцыі мастацтвазнаўства і крытыкі Беларускага саюза мастакоў.
Кандыдат мастацтвазнаўства (1964).
Апублікавала больш за дзесяць манаграфій, дзясяткі артыкулаў у перыядычным друку.
Сфера навуковых інтарэсаў: тэорыя мастацтва, гісторыя сусветнага і беларускага мастацтва, культуралогія.
