Віншуем з юбілеем Валянціну Сідараву!

Віншуем з юбілеем вядомага беларускага мастака-графіка  Валянціну Сцяпанаўну Сідараву, сябру Беларускага саюза мастакоў, секцыі графікі, дацэнта Беларускай дзяржаўнай акадэміі мастацтваў, кафедры графікі.
Валянціна Сідарава шмат гадоў займаецца графікай – кніжнай і станковай. Многія з аформленых ёю выданняў увайшлі ў “залаты фонд” беларускай кніжнай графікі.
Апошнім часам у кола яе інтерэсаў увайшлі таксама жывапіс і фатаграфія. Яе цікавіць алегорыя, формула-знак, складаная сістэма штрыхоў, плямаў, фактурна-прасторавая структура, кампазіцыйнай напружанасці рытмаў.

Мастацтвазнаўца, рэктар Беларускай дзяржаўнай акадэміі мастацтваў Міхаіл Баразна назваў Валянціну Сідараву “майстрам мастацкай ілюстрацыі, якая, як і ўсе сучасныя мастакі, цікавіцца фотамастацтвам, каб пашырыць свой творчы дыяпазон”.

Мастацтвазнаўца Кацярына Кенігсберг лічыць фатаграфіі Валянціны Сідаравай “бездакорнымі і графічнымі па кампазіцыі”. “Гэта вынік прафесійнай адукацыі і шматгадовага вопыту. Заняткі фотамастацтвам аказаліся для яе настолькі паспяховымі, што ў акадэмічны падручнік па фотакампазіцыі, выдадзены некалькі гадоў таму назад, была ўключана работа Сідаравай”, – падкрэслівае мастацтвазнаўца.

Серыя работ Валяніны Сідаравай з цыкла “Свет у майстэрні” захоўваецца сёння ў Музеі сучаснага выяўленчага мастацтва.
Паводле слоў мастацтвазнаўцы Кацярыны Кенігсберг, святло – гэта тое, што бачыць аўтар кожную раніцу, уваходзячы ў майстэрню. “Святло, што льецца з высока размешчаных вокнаў, драбніцца на гранях крыштальнага флакона, адбіваецца ў люстэрках, стварае мудрагелістыя цені і робіць непазнавальнымі абрысы знаёмых прадметаў… Гэта светлапіс ў літаральным сэнсе гэтага слова. Тут няма апрацоўкі ў модным сёння “фоташопе”, тут усё па-сапраўднаму – фотаапарат, аўтар і яго твор. Арганічныя, натуральныя творы народжаны творчай свабодай мастачкі, якую не пакідае пачуццё здзіўлення і захаплення ад непаўторнасці навакольнага свету ва ўсіх яго праявах”, адзначае Кацярына Кенігсберг.

КАРОТКАЯ БІЯГРАФІЯ
Нарадзілася ў 1956г. у Мінску.
Мастак, педагог.
З 1993 г. сябра Беларускага саюза мастакоў.
У 1981 г. скончыла Беларускі дзяржаўны тэатральна-мастацкі інстытут па спецыяльнасці “графіка”
Навуковыя інтарэсы: станковая графіка; кніжная графіка; фатаграфія.
З 1999 г. працуе ў Беларускай дзяржаўная акадэмія мастацтваў, дацэнт кафедры графікі.
Узнагароды: прэмія Федэрацыі прафсаюзаў Беларусі (2003 г.); Ганаровая грамата Міністэрства культуры Рэспублікі Беларусь (2010).

АНАТОЛЬ МАРКЕВІЧ: ЗАДАЧЫ САЮЗА НА БЛІЖЭЙШЫЯ ТРЫ ГАДЫ

  15 снежня ў Мінску прайшоў XXVI з’езд Беларускага саюза мастакоў. Перад дэлегатамі выступіў Міністр культуры Беларусі Анатоль Маркевіч. Гаворачы аб задачах саюза на наступныя тры гады, Міністр назваў важнейшыя сярод іх: стварэнне твораў мастацтва патрыятычнай тэматыкі, правядзенне выставак і пленэраў, прысвечаных важным падзеям у жыцці Беларусі, праца з творчай моладдзю.

БОЛЬШ ПАДРАБЯЗНА »

ВІНШУЕМ ГЛЕБА АНАТОЛЬЕВІЧА ОТЧЫКА З ПЕРАВЫБАРАМІ НА ПОСТ СТАРШЫНІ БЕЛАРУСКАГА САЮЗА МАСТАКОЎ

15 снежня 2022 года ў канферэнц-зале Нацыянальнай бібліятэкі Беларусі адбыўся XXIV з’езд грамадскай арганізацыі “Беларускі саюз мастакоў”. З перважнай большасцю галасоў у першым туры адкрытым галасаваннем старшынёй Беларускага саюза мастакоў быў абраны ГЛЕБ АНАТОЛЬЕВІЧ ОТЧЫК! Шчыра віншуем новага старшыню саюза і зычым яму поспехаў у справе развіцця выяўленчага мастацтва ў краіне!

БОЛЬШ ПАДРАБЯЗНА »

СССР -100. ПАДМУРАК СУЧАСНАГА МАСТАЦТВА

Беларускі саюз мастакоў і Саюз мастакоў Расіі прадстаўляюць выставу “СССР-100”, якая 12 студзеня 2023 года адкрылася ў залах Новай Траццякоўскай галерэі ў Маскве. У экспазіцыі выстаўлены работы сяброў двух саюзаў мастакоў,, а таксама знакавыя творы вядомых майстроў савецкага часу.Выстава “СССР – 100” – гэта сімбіёз жывапісу, графікі і скульптуры. У экспазіцыі сабраны самыя рэдкія і ўнікальныя

БОЛЬШ ПАДРАБЯЗНА »

БАРЫСУ ГЕРЛАВАНУ – 85! ВІНШУЕМ!

25 снежня 2022 года народнаму мастаку Беларусі, заслужанаму дзеячу мастацтваў, прафесару, сябру Беларускага саюза мастакоў Барысу Федасеевічу Герлавану споўнілася 85 гадоў. Беларускі саюз мастакоў віншуе выбітнага мастака і педагога з юбілеем і зычыць яму здароўя, моцы і новых творчых дасягненняў! Больш за паўстагоддзя ўзбагачае сцэнічнае мастацтва Беларусі выбітны майстар сцэны, бліскучы тэатральны мастак Барыс Герлаван,

БОЛЬШ ПАДРАБЯЗНА »