Віншуем з юбілеем!

Віншуем з 75-годдзем мастака-графіка, прадстаўніка знакамітай віцебскай школы акварэлі ГЕОРГІЯ ЛЯВОНАВІЧА ТАНКОВІЧА, сябру Віцебскай абласной арганізацыі.

Творчасць гэтага сціплага і вельмі дэлікатнага мастака прыцягвае увагу сваёй адметнасцю і, шчырасцю. Георгій Танковіч – прыхільнік акварэльнага жывапісу па вільготнай паперы, на якой яму заўжды ўдаецца перадаць характар і настрой натуры, якую ён адлюстроўвае. У яго творах ёсць нейкая рамантычная узнёсласць, адчуванне лёгкага суму і , адначасова, кранаючае душу святло. Акварэлі мастака вылучаюцца стрыманасцю колераў і кампазіцыйных рытмаў, абагульнёнай пластыкай форм, заўжды крыху загадкавай танальнасцю вобразаў. Георгій Танковіч сапраўдны майстар пейзажу, але не меншую ўвагу мастак надае партрэту і нацюрморту, у якіх яго аўтарская манера заўжды пазнавальная.

КАРОТКАЯ БІЯГРАФІЯ

Нарадзіўся 15 студзеня 1946 годаў вёсцы Ярашова Шумілінскага раёна Віцебскай вобласці.1969 – скончыў мастацка-графічны факультэт Віцебскага дзяржаўнага педагагічнага інстытута імя С. М. Кірава. Вучыўся ў І. Сталярова, Ф. Гумена, Л.Анцімонава.Да прызыва ў армію працаваў настаўнікам СШ № 13 г. Полацка.З 1969 года – удзельнік мастацкіх выстаў.1971 года – працаваў у групе прамысловай эстэтыкі на шынкамбінаце.1979 – працаваў у Наваполацкім філіяле Віцебскіх мастацкіх майстэрняў.1991 – сябра Беларускага саюза мастакоў.Удзельнічаў у дзейнасці і выставачных праектах творчых аб’яднанняў “Віцебская акварэль” і “Жалезны воўк”. Адзін з кіраўнікоў наваполацкага клуба аматараў мастацтва “АРТ-ПАРК”.Аўтар жывапісных палотнаў і манументальных вітражоў у розных дзяржаўных і грамадскіх будынках Беларусі і замежжа.Творы мастака знаходзяцца ў Нацыянальным мастацкім музеі Рэспублікі Беларусь, Віцебскім абласным краязнаўчым музеі, Бабруйскім краязнаўчым музеі, музеі гісторыі і культуры г. Наваполацка, прыватных калекцыях у Алжыры, Англіі, Германіі, Польшчы, Галандыі, Ізраілі, Італіі, Кітае, Расіі і Беларусі.Жыве ў Наваполацку. Працуе пераважна ў акварэлі.

СПАЧУВАЕМ!

СЯБРЫ! СПАЧУВАЕМ! 17 кастрычніка 2023 года пасля цяжкога захворвання на 71 годзе пайшоў з жыцця беларускі мастак-графік, сябра секцыі графікі Беларускага саюза мастакоў УЛАДЗІМІР АЛЯКСАНДРАВІЧ ЛУКАШЫК. Беларускі саюз мастакоў выказвае шчырае спачуванне родным і блізкім мастака. Развітанне з Уладзімірам Лукашыкам адбудзецца 19 кастрычніка ў 12.00 у зале развітання па адрасе вул.Кальварыйская 33а. Уладзімір Лукашык у

БОЛЬШ ПАДРАБЯЗНА »

ДА 85-ГОДДЗЯ БЕЛАРУСКАГА САЮЗА МАСТАКОЎ

За выдатныя творчыя дасягненні і значны асабісты ўклад у развіццё беларускага выяўленчага мастацтва ганаровымі адзначэннямі Федэрацыі прафсаюзаў Беларусі ўзнагароджаны старшыня Беларускага саюза мастакоў Глеб Отчык і першы намеснік старшыні Беларускага саюза мастакоў Наталля Шаранговіч.  

БОЛЬШ ПАДРАБЯЗНА »

3 ЛЮТАГА 2023- адзначаем 100-годдзе народнага мастака Беларусі Леаніда Шчамялёва

Леанід Шчамялёў – фігура для нашай краіны знакавая. Франтавік, народны мастак Беларусі, ён стаў легендай яшчэ пры жыцці. А жыццё, у тым ліку творчае, выдалася доўгім і плённым. Выбітны майстар сышоў ад нас два гады таму, ледзь не дажыўшы да 98 гадоў і да апошніх дзён пагружаны ў працу. І выставу ў гонар свайго 100‑годдзя

БОЛЬШ ПАДРАБЯЗНА »

РЭСПУБЛІКАНСКАЯ ВЫСТАВА ” 1.10 КВАДРАТА”. ПАЛАЦ МАСТАЦТВА. 01.02-03.03.2024

01 лютага (чацвер) у 18.00 у Палацы мастацтва запрашаем на адкрыццё рэспубліканскай выставы, прысвечанай 110-годдзю “Чорнага квадрата” Казіміра Малевіча! Прадстаўлены жывапіс, графіка, скульптура, шкло, кераміка, метал, фатаграфія, арт-аб’екты. У праекце прымаюць удзел сябры Беларускага саюза мастакоў з Мінска і ўсіх рэгіёнаў Беларусі, дызайнеры, творчая моладзь,  усе зацікаўленыя тэмай творцы. Гэта выстава- амаж вялікаму звяргальніку традыцый

БОЛЬШ ПАДРАБЯЗНА »