ВІНШУЕМ! З 80-годдзем беларускага графіка, сябру секцыі графікі Беларускага саюза мастакоў БАРЗДЫКУ МІХАІЛА ФЁДАРАВІЧА.
Міхаіл Барздыка нарадзіўся 14 студзеня 1944 года ў вёсцы Шклянцы Докшыцкага раёна Віцебскай вобласці.
Скончыў архітэктурны факультэт Беларускага політэхнічнага інстытута (1973) і выкладаў у ім. З 1975 г. супрацоўнічаў з беларускімі выдавецтвамі. У 1986 годзе скончыў Маскоўскі паліграфічны інстытут.
Член Беларускага саюза мастакоў з 1990 года.
Працуе ў станковай (у асноўным афорт), кніжнай графіцы. Творчасць адрозніваецца спалучэннем філасофскага разумення жыцця і лірычнай інтэрпрэтацыі (дыптых «Аблокі і камяні», 1988; «Метамарфозы», 1992; «Варыяцыі на тэму восені», 1994; «падабенства», 1995; і інш.). Многія творы прысвечаны Плешчаніцам і Лагойскаму раёну.
Работы мастака захоўваюцца ў музеях Беларусі, Венгрыі, ЗША, Італіі, Расіі, Францыі.