Абвяшчаецца збор заявак на фестываль Арт-Мінск-23
Фестываль пройдзе з 10 мая па 18 чэрвеня 2023 года ў Палацы мастацтва.
Да ўдзелу прымаюцца работы аўтараў, старэйшых за 18 гадоў (іншых узроставых абмежаванняў няма), не больш за тры работы ў розных відах, жанрах і тэхніках выяўленчага і прыкладнога мастацтва, створаных за апошнія тры гады (2020-2023 гг.). Не дапускаюцца работы, якія ўдзельнічалі ў фестывалі Арт-Мінск або Восеньскі Салон з Белгазпрамбанкам раней.
Усе работы, адпраўленыя ў заяўцы, будуць размешчаны на анлайн-платформе Artcenter.by у фармаце электроннага каталога.
Вынікі адбору будуць вядомы шляхам смс-абвесткі і email-рассыланні. Арганізатары праекта пакідаюць за сабой права адбору найбольш значных твораў з тых, што прайшлі да размяшчэння ў экспазіцыі. Памятайце, што работы павінны быць падрыхтаваны да экспанавання і дастаўлены ў Палац мастацтва аўтарам або яго даверанай асобай.
Прыём заявак працягнецца да 20 сакавіка да 23:59.
Калі ў Вас узніклі пытанні ці праблемы з рэгістрацыяй, звярніцеся да нашых менеджэраў па тэл.: +375 (33) 630-06-66, +375 (44) 766-44-99, e-mail: contact@artcenter.by
https://artcenter.by/events/artminsk-2023
