У Беларускім дзяржаўным музеі гісторыі Вялікай Айчыннай вайны адбылося адкрыццё часовай экспазіцыі “Партызан. Воін. Настаўнік» да 95-годдзя з дня нараджэння беларускага мастака, удзельніка Вялікай Айчыннай вайны — Івана Нікіфаравіча Стасевіча!
У экспазіцыі прадстаўлены работы Івана Стасевіча з фондаў музея гісторыі Вялікай Айчыннай вайны, сям’і, а таксама з калекцыі Беларускага саюза мастакоў.
У камернай атмасферы Музея для гасцей мерапрыемства выставу прадставілі загадчык навукова-экспазіцыйнага аддзела Н.А.Яцкевіч і намеснік дырэктара па навуковай рабоце Р.М.Рум. Яны расказалі наведвальнікам пра гісторыю стварэння экспазіцыі і раскрылі некаторыя факты з біяграфіі мастака.
На адкрыцці з прывітальным словам таксама выступілі і запрошаныя госці — першы намеснік старшыні Беларускага саюза мастакоў — Н.В. Шаранговіч і дырэктар НЦСМ С.Я.Крыштаповіч.
