29 студзеня спаўняецца 85 гадоў вядомаму беларускаму мастаку дэкатарыўна-прыкладнога мастацтва Валерыю Аляксеевичу ЛЕАНТОВІЧУ.
Зычым Валерыю Аляксеевічу здароўя, моцы, выдатнага настрою і шмат гадоў наперадзе!
Валерый Леантовіч нарадзіўся 29 студзеня ў 1939 годзе, у горадзе Горлаўка, Данецкай вобласці (Украіна). Скончыў Львоўскі дзяржаўны інстытут прыкладнога і дэкаратыўнага мастацтва і быў запрошаны на пасаду мастака Мінскага фарфоравага завода (1964). З 1966 па 2004 гады – галоўны мастак завода. Заслужаны дзеяч мастацтваў Беларусі (1983).
Сябра Беларускага саюза мастакоў з 1967 года.
Валерыя Аляксеевіч Леантовіч распрацаваў для масавай вытворчасці шмат узораў сервізаў, ваз, падсвечнікаў, дэкаратыўных талерак і кампазіцый.
Акрамя гэтага з’яўляеца аўтарам дэкаратыўнага пано ў рэстартане “Вячэрні” (1974) і аэравакзала аэрапарта “Мінск-1” (1980).
Работы захоўваюцца ў Нацыянальным мастацкім музеі Рэспублікі Беларусь, фондах БСМ, Нацыянальным гістарычным музеі.
