Светлай памяці мастака Уладзіміра Лісавенкі

На 62-м годзе жыцця 9 студзеня 2021 года пасля цяжкой хваробы памёр УЛАДЗІМІР ІВАНАВІЧ ЛІСАВЕНКА, выдатны беларускі творца, аўтар яркіх эксперыментальных габеленаў, сябра Беларускага саюза мастакоў, секцыі мастацкага тэкстылю, і Беларускага саюза дызайнераў.

БЕЛАРУСКІ САЮЗ МАСТАКОЎ, СЯБРЫ І КАЛЕГІ, УСЯ ТВОРЧАЯ СУПОЛЬНАСЦЬ ШЧЫРА ПАДЗЯЛЯЕ ГОРА, ЯКОЕ НАПАТКАЛА СЯМ’Ю МАСТАКА, І ПРЫНОСІЦЬ САМЫЯ ГЛЫБОКІЯ СПАЧУВАННІ ЯГО РОДНЫМ, СЯБРАМ І БЛІЗКІМ.

Сумна, што сыходзяць адзін за адным творцы, якія былі і застануцца яркімі постацямі ў гісторыі айчыннага дэкаратыўна-прыкладнога мастацтва. Зусім нядаўна мы развіталіся з Алай Іванаўнай Непачаловіч. А сёння пайшоў з жыцця яе калега, удзельнік шматлікіх сумесных з ёю мастацкіх праектаў Уладзімір Іванавіч Лісавенка.

Фірменны почырк Уладзіміра Лісавекі запомніўся многім прыхільнікам эксперыментальнага габелену. Ён умеў пераўтвараць у творы мастацтва магнітафонныя стужкі і старыя джынсавыя тканіны. Для яго джынсы былі не толькі сімвалам маладосці, але і фактурным матэрыялам, больш, чым проста адзенне. “Джынсы – гэта для майго пакалення ўсё. Я проста гэтыя старыя штаны запускаю ў вечнае жыццё “,– тлумачыў аўтар у сваіх інтэрв’ю.

Аўтарскім габеленам Уладзіміра Лісавенкі ўласціва спалучэнне паэтычных мастацкіх вобразаў, выкананых у стрыманай каляровай гаме, з інтэнсіўным і ў той жа час тонкім пачуццём рытму і матэрыялу.

Мастацтвазнаўца Пётра Васілеўскі: “Для спадара Уладзіміра ткацтва – тое ж, што і маляванне. Ён увасабляе ў габелене думкі, якія маглі б быць занатаванымі алоўкам на паперы альбо фарбамі на палатне. Прычым ступень выяўленчай умоўнасці калі-нікалі мяжуе з так званым наіўным мастацтвам. Аднак нават калі аўтар імітуе стылістыку дылетанта, адчуваецца ўпэўненая рука прафесіянала”.

А ўсяго некалькі гадоў таму адбылася юбілейная выстава Уладзіміра Лісавенкі ў Палацы мастацтва. І да яе адкрыцця Ала Непачаловіч напісала: “Уладзімір Лісавенка ў сваёй творчасці звяртаецца да разнастайных тэм, стварае шырокі спектр своеасаблівых мастацкіх вобразаў. Мастак пастаянна эксперыментуе, не абмяжоўваючыся тэхнікай гладкага ткацтва. У яго працах прасочваецца аснова класічных традыцый габелена і беларускага узорнага ткацтва. Аднак наватарскія стылістычныя ідэі і аўтарскія прёмы выканання Уладзіміра, дапоўненыя ўдалым выкарыстоўваннем неардынарных сучасных матэрыялаў, прыцягваюць велізарную цікавасць і ўвагу гледача да яго твораў”.
Кароткая біяграфія

Нарадзіўся 24 жніўня 1959 года ў г. Клін, Маскоўская вобласць, Расія.
У 1985 г. скончыў Віцебскі тэхналагічны інстытут лёгкай прамысловасці – аддзяленне мастацкага аздаблення і мадэлявання вырабаў тэкстыльнай і лёгкай прамысловасці.
Працаваў у галіне тэкстыль-дызайна, інтэр’ера і аўтарскага габелена.
З 1986 г. удзельнічаў у мастацкіх выставах.
З 1990 г. – выкладаў мастацтва габелена ў Дзіцячай мастацкай школе №3 г.Мінска.
З 1993 г. – сябра Беларускага саюза дызайнераў.
З 1994 г. – сябра Беларускага саюза мастакоў.
Габелены мастака знаходзяцца ў фондах Нацыянальнага цэнтра сучасных мастацтваў Рэспублікі Беларусь, у шматлікіх прыватных зборах Беларусі і Еўропы.

СПАЧУВАЕМ!

СЯБРЫ! СУМНАЯ НАВІНА! 18 снежня 2023 года пайшоў з жыцця вядомы беларускі графік і жывапісец, сябра Віцебскага аддзялення Беларускага саюза мастакоў ВАЛЬНОЎ УЛАДЗІМІР МІКАЛАЕВІЧ. Беларускі саюз мастакоў выказвае шчырае спачуванне родным і блізкім мастака. Развітанне з Уладзімірам Мікалаевічам Вальновым адбудзецца 20 снежня 2023 года з 10.00 да 12.00 у малой зале Абласной бальніцы г.Віцебска. Вальноў

БОЛЬШ ПАДРАБЯЗНА »

Светлай памяці мастака Уладзіміра Лісавенкі

На 62-м годзе жыцця 9 студзеня 2021 года пасля цяжкой хваробы памёр УЛАДЗІМІР ІВАНАВІЧ ЛІСАВЕНКА, выдатны беларускі творца, аўтар яркіх эксперыментальных габеленаў, сябра Беларускага саюза мастакоў, секцыі мастацкага тэкстылю, і Беларускага саюза дызайнераў. БЕЛАРУСКІ САЮЗ МАСТАКОЎ, СЯБРЫ І КАЛЕГІ, УСЯ ТВОРЧАЯ СУПОЛЬНАСЦЬ ШЧЫРА ПАДЗЯЛЯЕ ГОРА, ЯКОЕ НАПАТКАЛА СЯМ’Ю МАСТАКА, І ПРЫНОСІЦЬ САМЫЯ ГЛЫБОКІЯ СПАЧУВАННІ ЯГО

БОЛЬШ ПАДРАБЯЗНА »

СПАЧУВАЕМ!

СЯБРЫ! СПАЧУВАЕМ! 21 лістапада 2023 года на 74 годзе пайшла з жыцця вядомы беларускі мастацтвазнаўца, крытык, галерыст, аўтар і вядучая рубрык па выяўленчым мастацтве на радыё і ў друкаваных выданнях, экспадызайнер, куратар, заснавальнік першай беларускай Аўтарскай некамерцыйнай канцэптуальнай галерэі “Брама”, сябра секцыі мастацтвазнаўства і крытыкі Беларускага саюза мастакоў ФІНКЕЛЬШТЭЙН ЛАРЫСА ДЫВІДАЎНА. Беларускі саюз мастакоў выказвае

БОЛЬШ ПАДРАБЯЗНА »

ВІНШУЕМ ЧАРНЫШОВА АЛЕГА ВІКТАРАВІЧА З 85-ГОДДЗЕМ!

Віншуем ЧАРНЫШОВА АЛЕГА ВІКТАРАВІЧА з 85-годдзем! Скончыў Беларускі тэатральна-мастацкі інстытут, кафедру інтэр’еру і абсталяванні. З гэтага часу справай жыцця становіцца дызайн і падрыхтоўка спецыялістаў гэтага профілю ў роднай ВНУ, а потым у Еўрапейскім гуманітарным універсітэце і з нядаўняга часу ў БДУ. Быў народным дэпутатам Вярхоўнай Рады СССР апошняга склікання. Кандыдат філасофскіх навук, дацэнт. Член міжнароднай

БОЛЬШ ПАДРАБЯЗНА »