У Рэспубліканскай мастацкай галерэі “Палац мастацтва” 1 лютага 2024 года ў 18.00 адкрываецца выставачны праект керамікі і шкла “Пласт. Квадрат”. Куратары праекта – Вольга Сямашка і Ганна Амбросава.
Выстава керамікі і шкла, як правіла, – гэта мікс розных форм, але ў праекце “ПЛАСТ. КВАРАТ” куратары абмежавалі мастакоў-удзельнікаў “плоскасцю”. Плоскасць можа быць вертыкальнай, гарызантальнай – яна можа стаць галоўным персанажам і цэнтрам кампазіцыі, а можа стаць месцам для гульні фактур і колераў.
Праект “ПЛАСТ” у 2024 годзе адбываецца ў трэці раз. Трэці “ПЛАСТ” адрозніваюцца ад папярэдніх.
Па-першае, таму што ён праходзіць у межах выставачнага праекта “1,10 КВАДРАТА”, прысвечанага 110-годдзю “Чорнага квадрата” Казіміра Малевіча. І менавіта таму куратары прапанавалі мастакам форму пласта – квадрат.
Па-другое, у праекце прымаюць удзел мастакі розных пакаленняў і розных школ. У экспазіцыі можна будзе пабачыць рэтраспектыўныя працы, традыцыю, сучасныя эксперыменты, навацыю
